«بوگاتىر كومير» جشس جۇمىسكەرى جرۆي (ورۆي) دياگنوزىمەن اۋىرىپ ۋاقىتشا ەڭبەككە جارامسىزدىق پاراعى بويىنشا جۇمىستا بولماعان, كەيىننەن ول قالالىق اۋرۋحانانىڭ ينفەكتسيالىق بولىمشەسىنە جاتقىزىلدى.
ەگرەس-1 جۇمىسكەرى وتكەن دەمالىستا تەمپەراتۋراسى كوتەرىلىپ, ءوزىن جايسىز سەزىنگەننەن كەيىن قالاداعى ورتالىق اۋرۋحاناعا كەلگەن. بۇل جۇمىسكەردىڭ 2020.04.21 باستاپ ەكىباستۇز قالاسىنىڭ كۆي ناۋقاسى راستالعان تۇرعىنىمەن تىعىز قاتىناستا بولۋى سەبەپتى كارانتينگە جاتقىزىلعان.
ەگرەس-2 جۇمىسكەرى اۋىسىمنان كەيىن ءوزىن ءالسىز سەزىنىپ, جەدەل جاردەم شاقىرعان, سول جەردە دارىگەرلەر ونىڭ كۆي جۇقتىرعان تۋىسقانىمەن بايلانىستا بولعانىن انىقتاپتى.
قازىرگى ۋاقىتتا ينفەكتسيا جۇقتىرعان ناۋقاستارمەن بايلانىستا بولعان ادامداردىڭ بارلىعى انىقتالدى, كۆي ناۋقاسى راستالعان بارلىق كاسىپورىندار ەكىباستۇز قالاسىنىڭ سەس مەكەمەسىمەن جانە قالالىق اۋرۋحانامەن بىرىگىپ جۇمىس جاساۋدا, جۇمىس ورىندارىنا جدانە جۇمىسكەرلەردى تاسىمالدايتىن اۆتوبۋستاردىڭ بارلىعىنا جەدەل سانيتارلىق وڭدەۋ جۇمىستارى جۇرگىزىلدى. كومپانيالارداعى جەدەل ارەكەت ەتۋ شتابى كۆي ناۋقاسىنىڭ الدىن الۋ جانە تارالماۋى ءۇشىن بارلىق قاجەتتى ءىس-شارالاردى جۇرگىزۋدە.
«سامۇرىق-ەنەرگو» اق-عا قاراستى بارلىق ەكىباستۇز ەنەرگيا كەشەندەرى شتاتتىق رەجىمدە جۇمىس ىستەۋدە جانە ەلەكتر ەنەرگياسىن جەتكىزۋ مەن كومىر تيەۋ-تاسۋ جۇمىستارىنا قاتىستى ءوز مىندەتتەمەلەرىن تولىق كولەمدە ورىنداۋدا. ماسەلەن, 2020 جىلعى 23 ساۋىردەگى جاعداي بويىنشا ەگرەس-1 كاسىپورنىندا 6,3 ملرد كۆتس ەلەكتر ەنەرگياسى ءوندىرىلىپ, وتكەن جىلدىڭ وسى كەزەڭىمەن سالىستىرعاندا 136% كورسەتكىشتى, ال «بوگاتىر كومير» جشس كەسىگىنەن 15,2 ملن توننا كومىر جونەلتىلىپ, وتكەن جىلعى وسى كەزەڭىنە قاراعاندا 102% ناتيجەنى كورسەتىپ وتىر.
«سامۇرىق-ەنەرگو» اق كومپانياسى ناۋقاستانعان جۇمىسكەرلەردىڭ تەز ارادا ايىعىپ, ورتامىزعا قوسىلۋىنا تىلەكتەستىك ءبىلدىرىپ, ازاماتتارعا كارانتين تالاپتارىن قاتاڭ قاداعالاۋ قاجەتتىگىن ەستەرىنە سالادى.
