اقسۋ اۋدانىندا اتىس قارۋى بار ءبىر توپ ادام جينالىپ جاتىر دەگەن اقپارات تۇسكەننەن كەيىن جەدەل-تەرگەۋ توبى مەن پوليتسيانىڭ ارنايى بولىنىستەرى قىزمەتكەرلەرى دەرەۋ ىسكە كىرىستى. ناتيجەسىندە قاپال اۋىلىنىڭ شەتىندە ورنالاسقان كىشى شىمبۇلاق ەلدى مەكەنىندە 5 اۆتوكولىكپەن كەلگەن 19 ادام ۇستالدى. اتالعان تۇلعالار مانەرلەپ سىرعاناۋشىلاردىڭ ءبىرىنىڭ تۋعان كۇنىن تويلاۋ ءۇشىن جينالعان.
وبلىس ورتالىعىنىڭ تۇرعىندارىنا تيەسىلى «تويوتا كامري 50» جانە «لەكسۋس 330» ماركالى اۆتوكولىكتەرىن تەكسەرۋ كەزىندە 4 تراۆماتيكالىق تاپانشا, 1 اتىس قارۋى جانە 43 پاترون تاركىلەندى. قارۋ مەن وق-دارىلەردى زاڭسىز ساقتاۋ فاكتىلەرى بويىنشا سوتقا دەيىنگى تەرگەۋ باستالدى. سوت-بالليستيكالىق ساراپتاما تاعايىندالدى.
توتەنشە جاعداي كەزىندە كارانتين رەجيمىن بۇزعانى ءۇشىن 19 ادامعا قاتىستى اكىمشىلىك حاتتامالار تولتىرىلدى, ماتەريالدار ۇستالعانداردىڭ تۇرعىلىقتى جەرى بويىنشا سوت قاراۋىندا جىبەرىلدى.
ۇستالعان 4 ادامنان اتىس قارۋى الىنىپ, ۋاقىتشا ۇستاۋ يزولياتورىنا قامالدى.
