بۇعان دەيىن دە قاتاڭ سانيتارلىق قاداعالاۋ ارقىلى شەكارا اساتىن جۇك ەلىمىزدە ىندەت تارالۋ قاۋپىنىڭ ارتۋىنا بايلانىستى ءجىتى تەكسەرىلىپ جاتىر. مۇنداي باقىلاۋ شاراسى قىتاي تاراپىنان دا كۇشەيدى. وسىعان بايلانىستى وتكىزۋ بەكەتىندە كولىك كەزەگى پايدا بولدى. ماسەلەن, قازىرگى ساتتە كۇنىنە 20 كولىكتى عانا تەكسەرىپ, وتكىزۋ مۇمكىن بولىپ تۇر. ال بەكەت ماڭىندا ءتورت جۇزەگە جۋىق كولىك كەزەك توسۋدا.
قازىر كەزەكتە تۇرعان جۇرگىزۋشىلەردىڭ قاۋىپسىزدىگى مەن جاعدايىن ويلاعان پانفيلوۆ اۋدانىنىڭ اكىمدىگى ادامدار دەمالاتىن ارنايى پالاتكالار تىگىپ, اسحانا قىزمەتىن ۇيىمداستىرۋدا.
- ءبىز جۇرگىزۋشىلەرگە ارناپ ەكى قوناق ءۇيدى دايىندادىق. كۇن سايىن جۇك كولىكتەرى تۇرعان جولعا دەزينفەكتسيالىق تازالىق جۇمىستارى جۇرگىزىلەدى. جۇك كولىگى وتەتىن جەرگە ارنايى سانيتارلىق بەكەت ورناتتىق. بارلىعىن ماماندار قاداعالاپ, تەكسەرىپ وتىراتىن بولادى,- دەيدى پانفيلوۆ اۋدانىنىڭ اكىمى تالعات ومىراليەۆ.
ال بەكەتتەگى تەكسەرۋگە وراي كەزەك كۇتىپ تۇرعان جۇرگىزۋشىلەر ىستىق كۇندە قولايلى جاعداي جاساپ وتىرعان اكىمدىكتىڭ جۇمىستىنا العىستارىن بىلدىرۋدە.
الماتى وبلىسى
