«قازاگرو» حولدينگى قازاقستاندىق فەرمەرلەرگە شارتتاردى جەڭىلدەتۋدى جالعاستىرۋدا. مەملەكەت باسشىسى قاسىم-جومارت توقاەۆتىڭ توتەنشە جاعداي كەزىندە شاعىن جانە ورتا بيزنەستى قولداۋ تۋرالى تاپسىرماسى شەڭبەرىندە 2020 جىلدىڭ 1 ساۋىرىنەن باستاپ «قازاگرو» حولدينگىسىنىڭ «قازاگروقارجى» اكتسيونەرلىك قوعامى تەحنيكا مەن كولىك قۇرالدارىنىڭ ليزينگىسى بويىنشا اۋىل شارۋاشىلىعى تاۋارلارىن وندىرۋشىلەردى قارجىلاندىرۋدىڭ «قازاقستاندا جاسالعان» اتتى ارنايى جەڭىلدەتىلگەن باعدارلاماسىن ىسكە قوستى.
قارجى جىلدىق 6% مولشەرلەمەسىمەن, 10 جىلعا جانە 1 جىلعا دەيىن ليزينگتىك تولەمدەر بويىنشا جەڭىلدىكپەن بەرىلەدى. ينۆەستيتسيالىق سۋبسيديا تۇرىندەگى بەرىلەتىن مەملەكەتتىك قولداۋدىڭ ارقاسىندا العاشقى تولەم 0% قۇرايدى جانە قانداي دا ءبىر كوميسسيالاردى تولەمەي جانە كەپىلسىز بەرىلەدى
وتىنىمدەردى قابىلداۋ جانە قاراۋ ازايتىلعان قۇجاتتار پاكەتىنىڭ ەلەكتروندىق كوشىرمەلەرى نەگىزىندە جەڭىلدەتىلگەن تارتىپپەن جۇزەگە اسىرىلادى.
بۇل باعدارلامانىڭ ىسكە اسىرىلۋى اۋىل شارۋاشىلىعى تاۋارلارىن وندىرۋشىلەرگە ەلەۋلى قولداۋ كورسەتىپ, ەلدىڭ ازىق-ت ۇلىك قاۋىپسىزدىگىن قامتاماسىز ەتۋگە ءوز ۇلەسىن قوسىپ قانا قويماي, وتاندىق ماشينا جاساۋدى دامىتۋعا وڭ ىقپالىن تيگىزۋگە مۇمكىندىك بەرەدى.
سونىمەن بىرگە, توتەنشە جاعداي رەجيمىنىڭ ارەكەت ەتۋ كەزەڭىندە «قازاگروقارجى» اكتسيونەرلىك قوعامى 2020 جىلدىڭ 15 ماۋسىمىنا دەيىن شاعىن جانە ورتا بيزنەس سۋبەكتىلەرىنە تەك قارىز شارتتارى بويىنشا عانا تولەۋ مەرزىمدەرىن ۇزارتىپ قانا قويماي, سونداي-اق قارجى ليزينگى شارتتارى بويىنشا دا تۇراقسىزدىق ايىبىن ەسەپتەمەي تولەۋ مەرزىمدەرىن ۇزارتادى.
«قازاگروقارجى» اكتسيونەرلىك قوعامىنا 2020 جىلدىڭ 21 ساۋىرىنە دەيىن تولەم مەرزىمدەرىن ۇزارتۋ تۋرالى سوماسى 2,59 ميلليارد قۇرايتىن 171 ءوتىنىم ءتۇستى, سوماسى 630 ملن تەڭگەنى قۇرايتىن ءوتىنىم ماقۇلداندى.
