قازىرگى ۋاقىتتا بۇۇدب ەنەرگەتيكا, يندۋستريا جانە ينفراقۇرىلىمدىق دامۋ مينيسترلىكتەرى جانە «دامۋ» كاسىپكەرلىكتى دامىتۋ قورى» اق-مەن بىرلەسىپ كەلەسى باستامالاردى جۇزەگە اسىرادى: قالالاردى تومەن كومىرتەكتى دامىتۋ جانە جەك شاعىن جوبالارىن ىسكە اسىرۋ.
ءبىرىنشى باستاما اياسىندا جىلۋ جانە سۋمەن جابدىقتاۋ, سۋ بۇرۋ, قوعامدىق جانە كوپ پاتەرلى تۇرعىن ۇيلەر, كوشە جانە ىشكى جارىقتاندىرۋ جۇيەلەرى جانە ت. ب. سياقتى قالا شارۋاشىلىعى سالالارىندا ەنەرگيا رەسۋرستارىن ۇنەمدەۋگە الىپ كەلەتىڭ جوبالارى بار بيزنەس وكىلدەرىن قارجىلىق قولداۋ تەتىكتەرى قاراستىرىلعان. قاتىسۋشىلارعا نەسيە بويىنشا سىياقى مولشەرلەمەسىن 10%-عا تومەندەتۋ, ينۆەستيتسيالىق سۋبسيديا تۇرىندە نەسيە بويىنشا نەگىزگى بورىشتى 40%-عا دەيىن ەسەپتەن شىعارۋ, سونداي-اق «دامۋ» كدق» اق ارقىلى ەدب-دان كرەديت الۋ ءۇشىن كەپىلدىك بەرۋ ارقىلى قارجىلاندىرۋدىڭ جەڭىلدىكتى شارتتارى بەرىلەدى.
بۇۇدب-دا اتاپ وتكەندەي, ىسكە اسىرىلعان جوبالاردىڭ ناتيجەسى بويىنشا 1 تەڭگە قارجىلىق قولداۋعا 6 تەڭگە ينۆەستيتسيا تارتاتىنىن جانە كوممۋنالدىق شىعىنداردى 30-40% ۇنەمدەيتىندىگى دالەلدەنىپ وتىر.
