ستاتيستيكا كوميتەتىنىڭ الدىن الا دەرەكتەرى بويىنشا 2020 جىلعى قاڭتار-ناۋرىز ارالىعىندا قارجىلاندىرۋدىڭ بارلىق كوزدەرى بويىنشا تۇرعىن ءۇي قۇرىلىسىنا 282,9 ملرد تەڭگە ينۆەستيتسيا جۇمسالدى نەمەسە 2019 جىلدىڭ ۇقساس كورسەتكىشىمەن سالىستىرعاندا 16,3% قۇرايدى.
جالپى الاڭى 2 641, 628 مىڭ شارشى مەتر تۇرعىن ءۇي پايدالانۋعا بەرىلدى, بۇل 2019 جىلعى ۇقساس كەزەڭمەن سالىستىرعاندا 96,4%-دى قۇرادى.
بارلىعى رەسپۋبليكا بويىنشا 21 069 بىرلىك تۇرعىن ءۇي, ونىڭ ىشىندە 9 969 جەكە تۇرعىن ءۇي پايدالانۋعا بەرىلدى.
سونىمەن قاتار, ساتىپ الۋ مۇمكىندىگىسىز جالعا بەرىلەتىن تۇرعىن ءۇي سالۋعا (ساتىپ الۋعا) رەسپۋبليكالىق بيۋدجەتتەن 90 ملرد تەڭگە سوماسىنا قاراجات ءبولىندى.
2020 جىلعى 1 ساۋىردەگى جاعداي بويىنشا قارجىلاندىرۋ جوسپارىنا سايكەس اكىمدىكتەرگە 4,8 ملرد تەڭگە اۋدارىلىپ, بۇل قاراجاتتىڭ 4,7 ملرد تەڭگەسى نەمەسە 97,8%-ى يگەرىلدى.
«نۇرلى جەر» باعدارلاماسىنىڭ جوسپارلى كورسەتكىشتەرىنە قول جەتكىزۋ ءۇشىن كوپبالالى وتباسىلار ءۇشىن تۇرعىن ءۇي قۇرىلىسىنا 34 ملرد تەڭگە بولىنبەك. بۇل تاعى 4 000 وتباسىن جالعا بەرىلەتىن تۇرعىن ۇيمەن قامتاماسىز ەتۋگە مۇمكىندىك بەرەدى. جالپى, 2020 جىلدىڭ قورىتىندىسى بويىنشا 10 000 وتباسىن تۇرعىن ۇيمەن قامتاماسىز ەتۋ جوسپارلانۋدا.
جىل سوڭىنا دەيىن 3 000 جۇمىس ىستەيتىن جاستاردى جالعا بەرىلەتىن تۇرعىن ۇيمەن قامتاماسىز ەتۋ ءۇشىن 14,4 ملرد تەڭگە ءبولۋ جوسپارلانۋدا.
