مەكەمەنىڭ قۇقىق ءبولىمىنىڭ باسشىسى عابيت قۇسايىنوۆ نەسيە الۋ ءۇشىن بارلىق قۇجاتىمەن كەلدى. العاشقى كۇنى كەلىپ كەڭەس الىپ كەتكەن زاڭگەر, بۇگىن قاجەتتى نەسيە ءۇشىن كەپىلگە قوياتىن جىلجىمايتىن م ۇلىكتى قيىندىقسىز, كەدەرگىسىز, ءاپ-ساتتە تىركەدى.
«بيزنەس ءۇشىن بارلىق جۇمىستى ءبىر جەردەن بىتىرۋگە مۇمكىندىك بەرەتىن حقو-نىڭ اشىلعانىنا قۋانىپ وتىرمىز. كومپانيامىز تۇرىپ قالماي, ءارى قاراي جۇمىس ىستەۋى ءۇشىن بۇل نەسيەنىڭ ماڭىزى زور ەدى. حقو ماماندارىنىڭ كومەگىمەن قاجەتتى كەپىل مۇلكىن تىركەدىك. العىستان باسقا ايتار جوق» – دەيدى عابيت تاۋكەنباي ۇلى.
ەستەرىڭىزگە سالساق, پرەزيدەنت جانىنداعى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيانىڭ شەشىمىنە سايكەس «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق الماتى قالاسىندا شاعىن جانە ورتا بيزنەس سۋبەكتىلەرىنە قىزمەت كورسەتۋ ءۇشىن ناۋرىزباي اۋدانىنداعى حقو-نى اشقان بولاتىن.
بيزنەس وكىلدەرىنە ارنالعان حكو جۇمىسىمەن تانىسقان ارنايى مونيتورينگتىك توپتىڭ مۇشەسى, قوعام بەلسەندىسى رافاەل گاسانوۆ: «كارانتين كەزىندە ەكونوميكامىزعا كوپ زيان كەلمەس ءۇشىن, جانە كوكتەمگى ەگىس قارساڭىندا كاسىپكەرلەرىمىز ۋاقىتىن جىبەرىپ الماس ءۇشىن بيزنەسكە ارنالعان حقو-نىڭ جۇمىس ىستەۋى ءۇشىن اتسالىسقان ەدىك. بۇگىننەن باستاپ الماتى قالاسىندا شاعىن جانە ورتا بيزنەس وكىلدەرىنە ارنالىپ حقو جۇمىس ىستەي باستادى. بۇگىن ونىڭ جۇمىسىمەن تانىسىپ كوردىك. تالاپقا ساي, كارانتين تالاپتارى دا قاراستىرىلعان», – دەپ اتاپ ءوتتى.
ورتالىقتا كورسەتىلەتىن نەگىزگى قىزمەت تۇرلەرى – اۋىلشارۋاشىلىق جانە اگروبيزنەس سالاسى وكىلدەرىنە ارنالعان جىلجىمايتىن/جىلجىمالى م ۇلىك كەپىل شارتىن مەملەكەتتىك تىركەۋ, جىلجىمايتىن/جىلجىمالى م ۇلىك كەپىل شارتىنا قوسىمشا كەلىسىمدى مەملەكەتتىك تىركەۋ قىزمەتتەرى.
زاڭدى تۇلعالارعا قىزمەت كورسەتەتىن حقو دۇيسەنبى مەن جۇما ارالىعىندا 09.00-دەن 16.00-گە دەيىن جۇمىس ىستەيدى. مەملەكەتتىك قىزمەتتەردى ساپالى جانە ۋاقتىلى كورسەتۋ ماقساتىندا, نەسيە بەرۋدە وڭ شەشىم العان ۇيىمداردىڭ ءتىزىمى بويىنشا كەستەمەن قىزمەت كورسەتىلەدى. جانە كەلۋشىلەرگە مىندەتتى تۇردە بەتپەردەمەن كىرۋ تالابى ساقتالادى.
ورتالىق «شۇعىلا» شاعىن اۋدانى, 347/1 مەكەنجايىنداعى ناۋرىزباي اۋداندىق فرونت-ءوفيسىنىڭ عيماراتىندا ورنالاسقان.
