امەريكانىڭ قازاقستانداعى اقش ەلشىلىگى مەن كونسۋلدىعىنىڭ مالىمەتتەرىنە سۇيەنسەك, ووڭعى 20 جىل ىشىندە امەريكا قۇراما شتاتتارى قازاقستانعا 2 ميلليارد دوللار كولەمىندە كومەك كورسەتكەن. ونىڭ 86 ميلليون دوللاردان استامى مەديتسينا سالاسىنا باعىتتالعان.
«قازاقستان ۆيرۋستىڭ تارالۋىن توقتاتۋ ءۇشىن باتىل شارالار قابىلداۋدا. COVID-19-عا قارسى كۇرەستە اقش ۇكىمەتى قازاقستاندى جانە الەمدەگى باسقا سەرىكتەستەردى قولدايدى», - دەگەن اقش-تىڭ قازاقستانداعى ەلشىسى ۋيليام موزەر حالىقارالىق قاۋىمداستىق رەتىندە كۇش-جىگەردى بىرىكتىرۋگە, كارانتين رەجىمىن ساقتاي وتىرىپ, ۇكىمەتتىڭ نۇسقاۋلارىن ورىنداۋ ارقىلى ىندەتتى جويۋعا ۇلەس قوسا الامىز دەپ اتاپ ءوتتى.
اقش سوڭعى ونجىلدىقتار ىشىندە الەمدەگى دەنساۋلىق ساقتاۋ سالاسىنا ەكىجاقتى كومەك كورسەتەتىن الەمدەگى ەڭ ءىرى كومپانيا رەتىندە بەلگىلى بولا وتىرىپ, 2009 جىلدان باستاپ مەديتسينالىق كومەككە 100 ميلليارد دوللاردان استام جانە گۋمانيتارلىق كومەككە 70 ميلليارد دوللارعا جۋىق قاراجات ءبولدى. بۇگىندە جۇقپالى اۋرۋدىڭ قاۋپى بارلىق ايماقتاردا جوعارى ەكەندىگىن باسشىلىققا الا وتىرىپ, امەريكا قۇراما شتاتتارى باسقا دونورلاردى COVID-19 ۆيرۋسىنا قارسى جاھاندىق كۇش-جىگەرگە جۇمىلدىرىپ وتىر.
اۋرۋلاردى باقىلاۋ ورتالىقتارى مەن يۋسايد-ءتىڭ ماماندارى تاجىريبە الماسۋدى جانە COVID-19 ىندەتىمەن كۇرەسۋ ءۇشىن قازاقستاندىق ماماندارمەن كۇن سايىن تىعىز جۇمىستارىن جالعاستىرۋدا. USAID قازاقستانعا وسى ىندەتپەن كۇرەسۋ ءۇشىن ءوزىنىڭ مۇمكىندىكتەرىن نىعايتۋعا جانە كەلەسى باسىم باعىتتاردى قولداي وتىرىپ, ينفەكتسيالاردىڭ الدىن الۋ جانە باقىلاۋ, زەرتحانالىق جۇيەلەردى سىناقتارعا دايىنداۋ مەن ۆيرۋستىڭ تارالۋىنىڭ الدىن الۋعا بايلانىستى اقاپاراتتىق باعىتتاعى جۇمىستاردى جانداندىرۋدى ماقسات ەتەدى.
