- مەنىڭ كىتاپ وقۋعا دەگەن قىزىعۋشىلىعىم باستاۋىش سىنىپتا, مۇعالىمنىڭ ءماتىندى جىلدام وقۋعا باۋلىعان كەزدەن باستالدى. باسىندا ۇزدىك وقۋ ءۇشىن شىعارمانى تۇگەل وقىپ الاتىنمىن. سوسىن مازمۇنىنا قىزىعىپ, ىزدەنەتىن بولدىم. كىتاپپەن دوس بولعان سايىن قىزىق تا قۇپيا الەمگە ەنە بەردىم. كوركەم شىعارما ءتىل ۇيرەنۋىمە دە كومەكتەستى. بىردە لەۆ تولستويدىڭ «جاقسى كىتاپ وقۋ – اقىلدى اداممەن اڭگىمەلەسكەنمەن تەڭ» دەگەن ناقىل ءسوزىن وقىدىم دا, ەڭ كەرەك كىتاپتاردى ىرىكتەپ, تاڭداۋعا كوشتىم. الەمدەگى بەستسەلەردى تۇپنۇسقادا وقۋ قىزىقتى. قازىر اۆستراليا جازۋشىسى ماركۋس زۋساكانىڭ «The Book Thief» اتتى كىتابىن وقىپ جاتىرمىن. بۇل شىعارمادا ليزەل دەگەن كىشكەنتاي قىزدىڭ سوعىس كەزىندەگى تاعدىرى باياندالادى. ول قانداي قيىندىق كورسە دە كىتاپ وقۋعا قۇشتار ادەتىنەن اينىماي, قاجەت كىتابىن تابۋ ءۇشىن ءتۇرلى ارەكەت جاسايدى. «كىتاپ ۇرلاعان قىلمىسقا جاتپايدى» دەگەن ءازىلدىڭ ءمانىن وسى شىعارمانى وقىعان ادام تۇسىنەدى, - دەيدى ارۋجان.
ايتپاقشى, ارۋجان جىلدام وقۋدان دا الدىنا جان سالمايدى ەكەن. ماسەلەن, 16 جاسقا دەيىنگى جاسوسپىرىمدەرگە ءبىر مينۋتتا 200 ءسوز وقۋ ءتان بولسا, ارۋجان بۇل ۋاقىت ىشىندە 1500 سوزگە دەيىن وقىپ ۇلگەرەدى ەكەن. جانە كىتارقۇمار قىز ءوزى دە شىعارماشىلىققا بەت بۇرىپتى. تالاپكەردى فەنتەزي جانرى قىزىقتىرادى. «Pecularis» دەگەن اتاۋمەن ورىسشا اڭگىمە جازدى. جاسوسپىرىمدەر اراسىنداعى دوستىق, ماحاببات سەزىمىن ارقاۋ ەتكەن جاڭا شىعارماسىن اعىلشىن تىلىندە باستادى. ال قازاقشا دەتەكتيۆ جازۋدى ويلاپ ءجۇر.
