قازۇۋ-دىڭ فيلولوگيا جانە الەم تىلدەرى فاكۋلتەتى قازاق ادەبيەتى جانە ادەبيەت تەورياسى كافەدراسى م.و. اۋەزوۆ اتىنداعى ادەبيەت جانە ونەر ينستيتۋتىمەن بىرگە «100 كىتاپ» جوباسى اياسىندا ەۋرازيا جازۋشىلار وداعىنىڭ توراعاسى, ەۋروپا عىلىم, ونەر جانە ادەبيەت اكادەمياسىنىڭ مۇشەسى, گازي ۋنيۆەرسيتەتىنىڭ وقىتۋشىسى, جازۋشى ياكۋپ ومەروعلۋمەن ونلاين جۇزدەسۋ وتكىزدى.
«حالىقارالىق ادەبي بايلانىستار جانە مادەني ديپلوماتيا» تاقىرىبىندا وربىگەن ونلاين شاراعا ينستيتۋت قىزمەتكەرلەرى مەن قازۇۋ وقىتۋشىلارى, ستۋدەنتتەرى, ماگيسترانتتارى جانە دوكتورانتتار قاتىستى. ونلاين بايلانىس بارىسىندا قازىرگى زامانعى مادەني كەڭىستىكتەگى الەم جانە قازاق ادەبيەتىنىڭ دامۋى مەن باستى باعىت-باعدارلارى, سونداي-اق, شىعارماشىلىق ينتەگراتسيا, ستۋدەنتتەردىڭ كىتاپ وقۋعا قىزىعۋشىلىعىن وياتۋ ماسەلەلەرى تالقىلانادى.
الەم ادەبيەتىنىڭ قازىرگى بەتالىسى, ادەبيەت پەن تاريحي مۇرالاردى ءوزارا ساباقتاستىرۋ سىندى اۋقىمدى ماسەلەلەر قاۋزالعان ديدارلاسۋدان بولاشاق ءتىلشى عالىمدار جاقسى اسەر الدى.
