ەستە بولسا, 19 ناۋرىز كۇنى اتى جامان تۇماۋمەن كۇرەسىپ جاتقان الماتىلىق دارىگەرلەرگە ونلاين-ءدارىس ءوتۋ ءۇشىن اسپان استى ەلىنىڭ بىلىكتى 10 دارىگەرى كەلگەن بولاتىن. باس-اياعى 4-5 كۇننىڭ اينالاسىندا قىتايلىق ماماندار 700- دەن استام ساباق وتكىزىپ, تاجىريبەلەرىمەن بولىسكەن. الەم حالقىن الاڭداتقان قاۋىپتى ىندەتپەن كۇرەستە كۇش بىرىكتىرۋ ماڭىزدى دەگەن شاھار باسشىسى شەتەلدىك ماماندارعا العىس ءبىلدىرىپ, بىرقاتار ماسەلەنى سارالادى.
«الماتىعا قحر-دان كەلگەن دارىگەرلەر دەلەگاتسياسىمەن كوروناۆيرۋسپەن كۇرەس بويىنشا تاجىريبە الماسۋ ماسەلەلەرىن تالقىلادىق. سونىڭ ىشىندە جاپپاي تەستىلەۋ, قاۋىپتى ىندەتتىڭ الدىن الۋ, ەمدەۋ جانە ناۋقاستاردى وڭالتۋ, مەديتسينا قىزمەتكەرلەرىن دايارلاۋ ءارى وقىتۋ جاعى پىسىقتالدى», – دەپ جازدى اكىم ءوزىنىڭ Twitter-دەگى پاراقشاسىندا.
