پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ «Macquarie Russia & CIS Infrastructure Fund» قورىنىڭ توراعاسى ارون رۋبين باسقارعان اۆستراليالىق بيزنەس-دەلەگاتسياسىمەن كەزدەستى.
پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ «Macquarie Russia & CIS Infrastructure Fund» قورىنىڭ توراعاسى ارون رۋبين باسقارعان اۆستراليالىق بيزنەس-دەلەگاتسياسىمەن كەزدەستى.
تاراپتار قازاقستانداعى ينۆەستيتسيالىق ىنتىماقتاستىقتىڭ ماسەلەلەرىن تالقىلادى. Macquarie كومپانياسىنىڭ وكىلدەرى ەنەرگەتيكا, كولىك (ونىڭ ىشىندە, اۆتو, تەمىر جولدارى, پورتتار جانە اۋەجايلار), تۇرعىن ءۇي-كوممۋنالدىق سەكتور جانە تەلەكوممۋنيكاتسيا سالالارىنا ينۆەستيتسيا سالۋعا قىزىعۋشىلىق ءبىلدىردى.
ارون رۋبين اتاپ وتكەندەي, Macquarie كومپانياسى الەم بويىنشا ەڭ ءىرى ينفراقۇرىلىم ينۆەستورى بولىپ تابىلادى, ونىڭ باسقارۋىندا جالپى كاپيتالدانۋى 101 ملرد. اقش دوللارىن قۇرايتىن 46 قور بار. Macquarie Russia & CIS Fund قورلارىنىڭ ءبىرى ينفراقۇرىلىمدىق سەكتورعا ينۆەستيتسيالار بويىنشا بەلسەندى جۇمىستى باستادى. العاشقى ينۆەستيتسيالار رەسەيدە ەنەرگەتيكالىق, كولىكتىك جانە تەلەكوممۋنيكاتسيالىق سەكتورلارعا جاسالعان ەدى.
ءوز كەزەگىندە اسەت يسەكەشەۆ ەلىمىزدە جۇرگىزىلىپ جاتقان جاڭا يننوۆاتسيالىق-يندۋستريالىق ساياسات تۋرالى اڭگىمەلەدى, بۇل ساياسات توڭىرەگىندە تىكەلەي شەتەلدىك ينۆەستيتسيالاردىڭ تارتىلۋىنا وراسان زور ءمان بەرىلەدى. وسىعان وراي, قازىرگى كەزدە ينۆەستيتسيالاردى تارتۋ بويىنشا بىرقاتار ىنتالاندىرۋشى شارالاردى كوزدەيتىن ۇلتتىق جوسپار ىسكە اسىرىلۋدا.
تاراپتار جاقىن ارادا قازاقستاندىق كومپانيالاردىڭ جوبالارىن ەگجەي-تەگجەيلى قاراۋعا ۋاعدالاستى.
«ەگەمەن-اقپارات».
