14-18 قىركۇيەكتە قىتايدىڭ شىڭجاڭ-ۇيعىر اۆتونوميالى اۋدانى گانسۋ پروۆينتسياسىنىڭ اقساي اۋدانىندا قازاق كۇرەسىنەن ازيا چەمپيوناتى وتەدى. وعان جيىرماعا جۋىق ەلدىڭ قۇرامالارى قاتىسادى دەپ كۇتىلۋدە. جاقىندا ءبىز وسى بايراقتى باسەكەگە بايلانىستى دۇنيەجۇزى قازاق كۇرەسى فەدەراتسياسىنىڭ پرەزيدەنتى, «قاجىمۇقان مۇڭايتپاس ۇلى اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات كوللەدجى» رمم ديرەكتورى, قازاقستاننىڭ ەڭبەك سىڭىرگەن قايراتكەرى, پروفەسسور سەرىك توكيەۆپەن كەزدەسىپ, اڭگىمەلەسكەن ەدىك.
14-18 قىركۇيەكتە قىتايدىڭ شىڭجاڭ-ۇيعىر اۆتونوميالى اۋدانى گانسۋ پروۆينتسياسىنىڭ اقساي اۋدانىندا قازاق كۇرەسىنەن ازيا چەمپيوناتى وتەدى. وعان جيىرماعا جۋىق ەلدىڭ قۇرامالارى قاتىسادى دەپ كۇتىلۋدە. جاقىندا ءبىز وسى بايراقتى باسەكەگە بايلانىستى دۇنيەجۇزى قازاق كۇرەسى فەدەراتسياسىنىڭ پرەزيدەنتى, «قاجىمۇقان مۇڭايتپاس ۇلى اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات كوللەدجى» رمم ديرەكتورى, قازاقستاننىڭ ەڭبەك سىڭىرگەن قايراتكەرى, پروفەسسور سەرىك توكيەۆپەن كەزدەسىپ, اڭگىمەلەسكەن ەدىك.
– سەرىك ادام ۇلى, بيىلعى ازيا چەمپيوناتى قىتايدا وتەدى ەكەن. وسى دوداعا دايىندىقتارىڭىز قالاي؟
– بۇل – سانى جاعىنان 9-شى ازيا چەمپيوناتى. وعان 20-عا جۋىق ەلدىڭ بالۋاندارى قاتىسادى. بيىلعى چەمپيوناتتى قىتاي ءوز موينىنا الدى. وعان وزدەرى دە جاقسىلاپ دايىندالىپ جاتىر ەكەن. ماسەلەن, كوماندالاردىڭ تاماقتانۋىن, جاتىن ورىندارىن ءبارىن-ءبارىن وزدەرى كوتەرەتىندەرىن ايتتى. قازىر قىتايدا قازاق كۇرەسىنە زور ءمان بەرىلىپ جاتىر. بيىل وزدەرى دە فەدەراتسيا اشىپ الدى. ال ازيا چەمپيوناتىنا ءۇش كوماندانى شىعارايىن دەپ وتىر. سونىمەن بىرگە, وسى جىلدىڭ قاراشا ايىندا گەرمانيادا قازاق كۇرەسىنەن الەم چەمپيوناتىن وتكىزۋ جوسپارلانۋدا. ول 11-15 قاراشا كۇندەرى ميۋنحەننەن 80 شاقىرىم جەردەگى الەن دەگەن قالادا وتەدى. بۇل باسەكەدە 17-18 جاستاعى جانە ەرەسەك بالۋاندار كۇش سىناسادى. ودان كەيىن الماتىدا نە تارازدا الەم كۋبوگىن وتكىزۋدى جوسپارلاپ وتىرمىز. جىل سوڭىندا استانادا ابىلاي حاننىڭ 300 جىلدىعىنا بايلانىستى ۇلكەن حالىقارالىق ءتۋرنيردى وتكىزۋ جوسپاردا بار.
– بۇل جارىستارعا بەيبىت ىستىباەۆ پەن باسقا دا بالۋاندار قاتىسا ما؟
– بەيبىت ىستىباەۆ قاتىسا المايدى. ال باسقا بالۋاندار ىرىكتەۋدەن وتسە, ارينە, قاتىسادى. جاقىندا ءبىز بەيبىت ىستىباەۆ پەن ەرجان شىنكەەۆكە جانە ءۇش تورەشىگە شارا قولداندىق. فەدەراتسيا وتىرىسىندا ەرجان شىنكەەۆتى 2 جىلعا, بەيبىت ىستىباەۆتى 1 جىلعا جارىستاردان شەتتەتتىك. سوندىقتان ول ازيا, الەم چەمپيوناتىنا قاتىسا المايدى. بۇل «قازاقستان بارىسى» تۋرنيرىندە بالۋاندارىمىزدىڭ ىستەگەن ارەكەتىنە بايلانىستى جاسالدى. ءۇش تورەشى دە كەلەسى جىلى «قازاقستان بارىسىنا» تورەلىك ەتپەيدى. بۇل, بىزدىڭشە, دۇرىس شەشىم بولدى دەپ ويلايمىن. ەندى كۇرەسكە وزگەرىستەر ەنگىزەمىز. سول ەرەجەلەرگە بايلانىستى بالۋاندارىمىز كۇرەسەدى.
– جاقىندا حوك كۇرەس تۇرلەرىن وليمپيادا باعدارلاماسىنا قالدىرعانىن بىلەمىز. بۇل ءبىزدىڭ گرەك-ريم, ەركىن كۇرەستەرىنە عانا ەمەس, قازاق كۇرەسى ءۇشىن دە ۇلكەن قۋانىش. وسىعان بايلانىستى پىكىرىڭىزدى ايتساڭىز.
– بۇل وقيعا, سپورتتىڭ ىشىندە جۇرگەننەن كەيىن, بىزگە ۇلكەن قۋانىش دەپ ايتۋعا بولادى. حوك وليمپيادا باعدارلاماسىنان كۇرەس تۇرلەرىن قىزىقسىز بولىپ بارا جاتقاننان كەيىن الىپ تاستاعىسى كەلگەنىن بىلەمىز. ەندى كۇرەستىڭ ەرەجەلەرى وزگەرەدى دەپ ويلايمىز. جالپى, كۇرەس تۇرلەرىنىڭ وليمپيا ويىندارىندا قالعانى وتە ماڭىزدى. بۇل ءبىزدىڭ قازاق كۇرەسىنە دە بايلانىستى. ويتكەنى, بولاشاقتا ءبىز ءتول كۇرەسىمىزدى الدىمەن ازيا ويىندارىنا, ودان كەيىن وليمپيادا باعدارلاماسىنا ەنگىزۋدى ماقسات ەتىپ وتىرمىز. ءبىزدىڭ كۇرەس الەمدەگى ەڭ تازا جانە قىزىقتى دا تارتىستى كۇرەس. ءبىزدىڭ كۇرەستە پارتەر دەگەن جوق. سوسىن ونىڭ ەرەجەلەرى مەن تاسىلدەرى كەز كەلگەن بالۋانعا ىڭعايلى. سوندىقتان ءبىز بولاشاقتا ءتول كۇرەسىمىزدى دامىتۋعا ودان ءارى جۇمىس ىستەي بەرەتىن بولامىز. قازىرگى كەزدە قازاق كۇرەسىنەن 40-قا جۋىق ەلدە فەد
