ءبىزدىڭ قۇلاعىمىز ەستىپ, كوزىمىز كورگەن «سوعىستان كەيىنگى بۋىن» دەيتۇعىن ءبىر قارا نارداي قايىسپاس قايسار ۇرپاق بار. ولاردىڭ جاسى دا قازىر 70 پەن 80-ءنىڭ توڭىرەگىنە جۋىقتاپ قالدى. بۇل بۋىن ءومىردىڭ ىستىعى مەن سۋىعىن ابدەن سەزىنىپ, ەڭبەكتە شىڭدالىپ, ءپىسىپ قاتقان بۋىن. تاعدىردىڭ اۋىرتپالىعىن كوپ كورگەندىكتەن بە جۇرەكتەرى مەيىرىم مەن ادالدىققا تولى. جالعاندىق پەن جاۋىزدىققا جاندارى قاس. ەڭبەك ەتسە ماڭدايدىڭ تەرىن, بىلەكتىڭ كۇشىن ايامايدى. وسىنداي نار تۇلعالى ازاماتتاردىڭ ءبىرى وڭلاسىن قاراباي ۇلى.
ءبىزدىڭ قۇلاعىمىز ەستىپ, كوزىمىز كورگەن «سوعىستان كەيىنگى بۋىن» دەيتۇعىن ءبىر قارا نارداي قايىسپاس قايسار ۇرپاق بار. ولاردىڭ جاسى دا قازىر 70 پەن 80-ءنىڭ توڭىرەگىنە جۋىقتاپ قالدى. بۇل بۋىن ءومىردىڭ ىستىعى مەن سۋىعىن ابدەن سەزىنىپ, ەڭبەكتە شىڭدالىپ, ءپىسىپ قاتقان بۋىن. تاعدىردىڭ اۋىرتپالىعىن كوپ كورگەندىكتەن بە جۇرەكتەرى مەيىرىم مەن ادالدىققا تولى. جالعاندىق پەن جاۋىزدىققا جاندارى قاس. ەڭبەك ەتسە ماڭدايدىڭ تەرىن, بىلەكتىڭ كۇشىن ايامايدى. وسىنداي نار تۇلعالى ازاماتتاردىڭ ءبىرى وڭلاسىن قاراباي ۇلى.
وڭلاسىن قاراباي ۇلى ەكىنشى دۇنيەجۇزىلىك سوعىستىڭ قىزىپ تۇرعان كەزىندە 1943 جىلى جامبىل وبلىسىنىڭ بايزاق اۋدانىنداعى كوكتال اۋىلىندا ومىرگە كەلگەن. كەيىپكەرىمىزدىڭ بالالىق بالعىن داۋرەنى سوعىستان كەيىنگى قايناعان قىزۋ ەڭبەكتىڭ دۇربەلەڭىمەن تۇسپا-تۇس كەلدى. اكە مەن شەشە تاڭ بوزارىپ اتقاننان قاس قارايعانعا دەيىن كولحوزدىڭ بىتپەيتىن ميمىرت تىرلىگىمەن جۇرەدى. بۇگىنگىدەي ءار بالانى جەكە كۇتۋشىمەن باعىپ, بايىپتاپ وتىراتىن كەزەڭ ول ەمەس. سول دۇبىرمەن ءجۇرىپ اناسىنىڭ كەنەپتەن تىگىپ بەرگەن دورباسىن ارقالاپ, ءبىزدىڭ وڭكەڭ دە تۋعان اۋىلىنداعى مەكتەپ تابالدىرىعىن اتتايدى. ودان بەسىنشىدەن جەتىنشى سىنىپقا دەيىن 3-4 شاقىرىم قاشىقتىقتاعى قۇمجوتا اۋىلىنا جاياۋلاتىپ بارىپ ءجۇرىپ ءبىلىم الادى. جەتىنشى سىنىپتان كەيىن جامبىل قالاسىنا بارىپ وقۋىن جالعاستىرىپ, ورتا مەكتەپتى ءتامامدايدى. سول كەزدەگى مۇعالىمدەردىڭ قاراپايىم, قاناعاتشىل, ءوز ىسىنە ادالدىعى جاس بۋىننىڭ شىنشىل دا تۋراشىل ازامات بولىپ وسۋىنە يگى اسەر ەتكەن. وڭكەڭ بالالىقتان ءوتىپ بوزبالا داۋرەنگە اياق باسقاندا اكەسى ەسىركەپ و دۇنيەلىك بولادى. شيەتتەي ءتورت بالامەن اناسى مەيىزكۇل جەسىر قالادى. ۇيدەگى ءتورت بالانىڭ ۇلكەنى وڭلاسىن بولاتىن. ول قيسايعان شاڭىراقتىڭ ءبىر جاعىن كوتەرىسۋگە اناسىنا بارىنشا جاردەمشى بولۋعا تىرىسادى. وزىنەن كەيىنگى ءۇش قارىنداسى بۇل كەزدە ءالى سارىاۋىز بالاپان ەدى. وسىلايشا ول جاستىقتىڭ جالىندى كەزەڭىن ساۋىق قۇرىپ قىدىرۋمەن ەمەس, ەڭبەكتىڭ كىل مايدانىندا وتكىزەدى. «جەتىم قوزى تاسباۋىر, ماڭىرار دا وتىعار» دەگەندەي ورتا مەكتەپتىڭ سوڭعى سىنىپتارى كەزىندە وڭكەڭ كادىمگىدەي ەسەيىپ, بۋىنى بەكىپ شىعادى. سەبەبى وزىنەن باسقا سەنەرى جوق ەكەندىگىن ەت جۇرەگىمەن سەزىنەدى.
ونىنشى سىنىپتى بىتىرگەن وڭلاسىننىڭ بار ارمانى ۇستاز بولۋ ەدى. ءدال سول كەزەڭدە مۇعالىمنەن ارداقتى, مۇعالىمنەن سىيلى, قادىرلى ەشكىم جوق ەدى. وسىلايشا ءتاتتى ارماننىڭ جەتەگىمەن الماتىعا اتتانادى. بىراق بۇل ساپاردان جولى بولماعان ول جامبىل وبلىسىنداعى بايزاق اۋدانىنىڭ ەڭبەك بولىمشەسىنە بارىپ باستاۋىش سىنىپقا مۇعالىم بولادى. مۇندا ءبىر جىلداي ۇستازدىق ەتەدى. بىراق بىلىمگە قۇشتار جاس ورەن اۋىلدا تۇراقتاپ قالا المايدى. سالىپ ۇرىپ جامبىل قالاسىنداعى جەڭىل جانە تاماق ونەركاسىپ تەحنولوگيالىق ينستيتۋتىنا بارىپ وقۋعا تۇسەدى. ءبىر قىزىعى ءبىر ايدان كەيىن وڭلاسىندى ارميا قاتارىنا شاقىرىپ, ءۇش جىلىن قاسيەتتى وتان قورعاۋعا ارنايدى. ول اسكەردە ءجۇرىپ پارتيا قاتارىنا قابىلدانىپ, كوممۋنيست بولىپ ەلگە ورالادى. وقۋىنا قايتا كەلگەن ونى ينستيتۋت ۇجىمى فاكۋلتەتتەگى كومسومول ۇيىمىنا حاتشى ەتىپ تاعايىندايدى. سونىمەن جالاقى تولەنبەيتىن «كومسومول حاتشىسى» دەيتۇعىن ەشقاشان تاۋسىلمايتىن الا شاپقىن تىرلىككە ارالاسادى دا كەتەدى. ءبىر جىلدان كەيىن ينستيتۋتتىڭ كومسومول حاتشىسىنىڭ ورىنباسارى بولىپ بەكىتىلەدى. ول كەزدە جاستاردان قۇرىلعان قۇرىلىس وتريادى دەگەن بولادى. سول جاستاردىڭ كوشىن باستاپ جاز ايلارىندا قۇرىلىس جۇمىستارىنا بەلسەنە ارالاسادى. بۇل جۇمىس وڭكەڭدى ءبىراز شىنىقتىرىپ, ەسەيتىپ تاستايدى. سەبەبى, ول كەزدەرى كومسومولدىڭ قاتىسپايتىن شاراسى, ونىڭ بارمايتىن جيىنى جوق ەدى. جاستارمەن جۇمىس ىستەپ, پارتيانىڭ تالاي تاپسىرماسىن شاشاۋسىز ورىنداپ ىسىلعان جىگىت اعاسى وردا بۇزار وتىزعا كەلگەندە الماتىداعى پارتيا مەكتەبىندە ەكى جىل ءدارىس الادى. تەوريالىق ءىلىمدى يگەرىپ قايتقان ونى باسشىلىق جامبىل قانت زاۋىتىنىڭ پارتيا حاتشىلىعىنا تاعايىندايدى. بۇرىنعى ستۋدەنتتەرمەن سالىستىرعاندا مۇنداعى جۇمىستىڭ ءجونى باسقا ەدى. ناعىز قايناعان ەڭبەك مايدانىن وسى كەزدە سەزىنەدى. بۇدان كەيىن ول جامبىل قالاسىنداعى زاۆود اۋداندىق حالىقتىق باقىلاۋ كوميتەتىنىڭ توراعاسى, جامبىل قالالىق پارتيا كوميتەتىنىڭ ۇيىمداستىرۋ ءبولىمىنىڭ مەڭگەرۋشىسى, جامبىل وبكومىنىڭ جاۋاپتى ۇيىمداستىرۋشىسى قاتارلى قىزمە
