ەدب مۇشە ەلدەرىنىڭ ەكونوميكاسىنىڭ وسىمىنە كەرى اسەر ەتۋشى فاكتوردىڭ ەكى باعىتىن انىقتاپتى: ء«بىرىنشى باعىت سىرتقى ەكونوميكالىق جاعدايدىڭ كۇردەلەنۋىمەن بايلانىستى, بۇل ايماق ەلدەرىنە ەكسپورتتىق سۇرانىستىڭ السىرەۋىمەن, باعانىڭ قۇلدىراۋىنان, شەتەلدەن شيكىزات جەتكىزىلىمىنەن تۇسەتىن كىرىستىڭ ازايۋىمەن, دۇنيەجۇزىلىك قۇن تىزبەگىنىڭ بۇزىلۋىمەن, اقشا اۋدارىمدارىنىڭ ازايۋىمەن, ىسكەرلىك كوڭىل-كۇيدىڭ ناشارلاۋىمەن بايلانىستى. ەدب ساراپشىلارىنىڭ پىكىرىنشە, بانكتىڭ مۇشە-ەلدەرىنىڭ ءىجو-ءنىڭ سىرتقى فاكتورلاردان شىعىنى 2020 جىلى شامامەن 2% جەتۋى مۇمكىن» دەپ ءتۇسىندىردى قارجى ينستيتۋتى. ەدب ەكىنشى باعىت اۋرۋدىڭ تارالۋىن تومەندەتۋ ءۇشىن ەنگىزىلگەن ىشكى شەكتەۋ شارالارىن بايلانىستى ەكەنىن ايتادى. بۇل فاكتور ەڭ الدىمەن قىزمەت كورسەتۋ سالاسىنا قاتىستى ءوندىرىس كورسەتكىشتەرىنىڭ تومەندەۋىنەن كورىنەدى.
شولۋدا اتالعان فاكتورلاردىڭ اسەرىنەن ەدب-عا مۇشە ەلدەردىڭ جالپى ىشكى ءونىمى 2020 جىلى 2,2%-عا تومەندەيتىنى ايتىلعان. «رەسەيدە, قازاقستاندا, بەلارۋسسيادا جانە ارمەنيادا ءونىم شىعارۋ سايكەسىنشە 2,3%, 1%, 3,3% جانە 1,7% تومەندەيدى دەپ كۇتىلۋدە, ال قىرعىزستان مەن تاجىكستاندا ونىڭ ءوسۋ قارقىنى 0,1% جانە 5% دەيىن ايتارلىقتاي باياۋلادى. 2020 جىلدىڭ ءبىرىنشى توقسانىندا ۇلتتىق ۆاليۋتالاردىڭ السىرەۋى يمپورتتالاتىن تاۋارلاردىڭ قۇنىنا قىسىم جاسايدى, بۇل ايماقتىڭ كوپتەگەن ەلدەرىندە ينفلياتسيانىڭ ءوسۋىنىڭ نەگىزگى فاكتورى بولادى. قارجى ينستيتۋتى سونداي-اق ىشكى سۇرانىستىڭ, باعانىڭ تومەندەۋىنە دەزينفلياتسيالىق اسەر ەتەتىندىگىن اتاپ ءوتتى.
ء«بىز مۇنداي قۇبىلىستاردى 2021 جىلى دا بايقايمىز» دەدى بانك. سونداي-اق, ەدب ەكونوميكالىق دامۋداعى بەلگىسىزدىك الدىن الا بولجام جاساۋعا مۇمكىندىك بەرمەي وتىرعانىن ەسكەرتىپ ءوتتى. ماكروەكونوميكالىق بولجام COVID-19 پاندەمياسىنىڭ دامۋ سيپاتىنا بايلانىستى بولادى.
«الەمدىك ەكونوميكادا تەرىس نەگاتيۆتەر تەرەڭدەپ بارادى. بۇل ەدب مۇشە ەلدەرىنىڭ نەگىزگى ەكسپورتتىق تاۋارلارىنا باعانىڭ ودان ءارى قۇلدىراۋىنا اكەلۋى مۇمكىن. الەمدىك كاتاكليزمگە اينالىپ كەتكەن ەپيدەميامەن ەشبىر ەل جەكە –دارا كۇرەسە المايدى. كۇش بىرىكتىرگەندە عانا بەلگىلى ءبىر ناتيجەگە قول جەتۋى مۇمكىن. ەگەر, ەپيدەميانىڭ توقتاۋى بايقالسا, ەدب-ءنىڭ ءجىو وسۋىنە قاتىستى بولجامدارى قايتا قارالۋى مۇمكىن», دەپ قورىتىندىلادى قارجى ينستيتۋتى.
