الدىڭعى كۇنى «قازمەديا ورتالىعىندا» ر.سۇلەيمەنوۆ اتىنداعى شىعىستانۋ ينستيتۋتىنىڭ قىزمەتكەرلەرى «مىڭجىلدىق كوكجيەك» باعدارلاماسى اياسىنداعى شەتەلگە ءىسساپارلارىنىڭ قورىتىندىلارى بويىنشا ءباسپاسوز ءماسليحاتىن وتكىزدى.
الدىڭعى كۇنى «قازمەديا ورتالىعىندا» ر.سۇلەيمەنوۆ اتىنداعى شىعىستانۋ ينستيتۋتىنىڭ قىزمەتكەرلەرى «مىڭجىلدىق كوكجيەك» باعدارلاماسى اياسىنداعى شەتەلگە ءىسساپارلارىنىڭ قورىتىندىلارى بويىنشا ءباسپاسوز ءماسليحاتىن وتكىزدى.
جيىندى جۇرگىزىپ وتىرعان شىعىستانۋ ينستيتۋتىنىڭ ءبولىم مەڭگەرۋشىسى, اكادەميك مەرۋەرت ابۋسەيىتوۆا «حالىق تاريح تولقىنىندا» اتتى ۇلكەن باعدارلامانىڭ ءبىر تارماعى سانالاتىن «مىڭجىلدىق كوكجيەك» باعدارلاماسى اياسىندا ءبىر توپ وتاندىق عالىمداردىڭ قىتاي حالىق رەسپۋبليكاسىنا ىسساپارمەن بارىپ قايتقانىن ايتا كەلىپ, «ءبىزدىڭ عالىمدار قىتايدان 283 تومدى قۇرايتىن بىرەگەي مۇراعاتتىق قۇجاتتاردى اكەلدى. ونىڭ اراسىندا ابىلاي حان مەن قىتاي يمپەراتورى تسيانلۋننىڭ جازىسقان حاتتارىنىڭ كوشىرمەلەرى دە بار. بۇل قۇجاتتاردى سەنساتسيالىق دەپ اتاۋعا بولادى. وندا ابىلايدان باسقا دا قازاق حاندارى مەن قىتاي باسقارۋشىلارىنىڭ اراسىنداعى ديپلوماتيالىق بايلانىستىڭ ورناتىلعانى جونىندە كورسەتىلگەن. ابىلاي حان مەن تسيانلۋن الىسقان كوپ حاتتاردا تىلەك, قۇتتىقتاۋ بىلدىرىلگەن, ءتىپتى, قازاق حاندىعىنىڭ تسين يمپەرياسىندا ەلشى تاعايىنداعانى جونىندە مالىمەت بار. قىتاي مۇراعاتىندا بۇگىندە بىزگە سىرى اشىلماعان 3 مىڭنان استام قۇجاتتار بار ەكەنى انىقتالدى, ەندى سولارمەن جۇمىس ىستەۋگە ءتيىسپىز», – دەدى. عالىم الداعى ۋاقىتتا وسى قۇجاتتاردىڭ ەلەكتروندى نۇسقاسى مەن تىزبەسىن جاساۋ قولعا الىناتىنىن مالىمدەدى.
جيىنعا قاتىسقان شىعىستانۋ ينستيتۋتىنىڭ عىلىمي قىزمەتكەرى, تاريح عىلىمدارىنىڭ كانديداتى جانىمحان وشان نەشە مىڭداعان جىلدىق جازبا تاريحى بار قىتاي ەلىنىڭ ءوز كورشىلەرى تۋرالى ەڭ كوپ مالىمەت قالدىرعان ەل ەكەنىن ايتتى. ەۋرازيا دالاسىن قونىستانعان قازاقتاردىڭ تىكەلەي اتا-بابالارى سانالاتىن كونە تۇركى-موڭعول تايپالارىنىڭ مىڭداعان جىلدىق تاريحى تۋرالى ەڭ قۇندى دەرەكتەردىڭ كوبى وسى ەلدىڭ تاريحي جازبالارىندا, مۇراعات قۇجاتتارىندا جانە تاستارىندا بادىزدەۋلى ەكەنىن جەتكىزدى. «تاس جازبالاردى اشۋ مەن زەرتتەۋ بۇل ەلدە ەڭ قارقىندى جۇمىستاردىڭ ءبىرى. تۇركى حالىقتارىنا قاتىستى تاريحي تاس ەسكەرتكىشتەردىڭ ەلەۋلى بولىگى ءVى-ءىح عاسىرلارداعى تۇركى حالىقتارىنىڭ تاريحىنان سىر شەرتەدى. بۇلار مازمۇنى جاعىنان قىتايدىڭ رەسمي 24 تاريحى مەن باسقا دا تاريحي شىعارمالارىنىڭ اقتاڭداق بەتتەرىن تولىقتىرىپ وتىر, اتالعان ەسكەرتكىشتەردىڭ ەلىمىزدىڭ كونە تاريحىن زەرتتەۋدەگى دەرەكتەمەلىك قۇندىلىعى, مىنە, وسىندا», – دەدى عالىم. ال, قىتايعا ىسساپارمەن بارعان تاعى ءبىر عالىم, شىعىستانۋ ينستيتۋتىنىڭ قىزمەتكەرى اسەل مانسۇروۆا ۋاقىتى بويىنشا ءبىزدىڭ زامانىمىزدىڭ 12-ءشى عاسىرىنا جاتاتىن, تۇرفان, قاشقار, گانجوۋ قالالارىنان تابىلعان مۇرالاردىڭ ىشىندە جازۋلارى كونە تۇركى, كونە سيريا جازۋلارىمەن قاشالعان ەپيتافيالىق ەسكەرتكىشتەردىڭ جەتىسۋ جەرىنەن تابىلعان ەسكەرتكىشتەرمەن ۇقساستىعىن تىلگە تيەك ەتتى.
ايگۇل سەيىلوۆا,
«ەگەمەن قازاقستان».
