پاندەميا باستالعالى بەرى ەلدە جۇقتىرعانداردىڭ جالپى سانى 200 مىڭنان استى, ولاردىڭ ىشىندە 20800-دەن استامى قايتىس بولدى.
وسىعان بايلانىستى مادريد وقشاۋلاۋ شارالارىن ۇزارتاتىنى تۋرالى حابارلادى.
سونىمەن, ءبىر اپتادان كەيىن 12 جاسقا دەيىنگى بالالاردىڭ سىرتقا شىعۋىنا رۇقسات بەرۋ جوسپارلانعان. بيلىك جالپى كارانتيندى 9 مامىرعا دەيىن ۇزارتپاقشى.
اۋرۋحانالارعا قىسىم ايتارلىقتاي تومەندەگەندىكتەن, مادريدتە ءىرى كورمە ورتالىعىندا ورنالاسقان دالالىق اۋرۋحانانىڭ ءبىر ءبولىمى جابىلدى.
گەرمانيادا, ءبىر ايدان كەيىن ەلدە شاعىن دۇكەندەر, ۆەلوسيپەدتەر, كىتاپحانالار مەن ارحيۆتەر جۇمىسىن باستايدى. انگەلا مەركەل ەكى اپتا ىشىندە شەكتەۋلەردى تاعى ءبىر رەت قاراۋعا رۇقسات ەتتى. كوروناۆيرۋسپەن بايلانىستى جاعدايدىڭ دامۋ ديناميكاسى ءۇمىتتى وياتا الادى, بىراق ازىرگە شەكتەۋلەردى الىپ تاستاۋعا بولمايدى.
دانيادا بالاباقشالار مەن باستاۋىش مەكتەپتەردە ساباق قايتا باستالدى, ال دۇيسەنبىدەن باستاپ شاشتارازدار, ستوماتولوگتار, جۇرگىزۋشى مەكتەپتەر مەن ءسان سالوندارى جۇمىس ىستەپ جاتىر.
نورۆەگيادا كارانتين السىرەپ, بالاباقشالار جۇمىس ىستەي باستادى.
يتاليادا, رەسپۋبليكانىڭ ازاماتتىق قورعانىس دەپارتامەنتىنىڭ مالىمەتى بويىنشا, يتاليادا كارانتين مەرزىمى 3 مامىردا اياقتالادى.
ۇلىبريتانيا ىندەتتىڭ ەكىنشى تولقىنىنان قورقادى, سول سەبەپتى كارانتين شارالارىن جەڭىلدەتۋگە اسىقپايدى. وقشاۋلاۋ تاعى بىرنەشە اپتاعا سوزىلادى. بۇل ەلدە 24 ساعات ىشىندە 449- ادام قايتاس بولدى. بۇل الدىڭعى كۇندەرمەن سالىستىرعاندا ايتارلىقتاي از. اۋرۋدىڭ شىڭى وتكەن بولۋى مۇمكىن.
فرانتسيادا COVID-19 باستالعاننان بەرى 20 255 ادام قازا تاپتى. سەگىز مىڭعا جۋىق ادام الەۋمەتتىك جانە مەديتسينالىق مەكەمەلەردە, سونىڭ ىشىندە قارتتار ۇيىندە قايتىس بولدى. سوڭعى 24 ساعات ىشىندە قايتىس بولعاندار سانى 547 ادامعا ارتتى. الايدا, بۇكىل اۋماقتا رەانيماتسياداعى ناۋقاستار سانىنىڭ ازايۋى بايقالادى, 5 683 ادام اۋىر حالدە جاتىر, بۇل الدىڭعى كۇنمەن سالىستىرعاندا 61 ادامعا از. پاريجدە كارانتين 11 مامىردان باستاپ السىرەۋى مۇمكىن. بىراق ءپاريجدىڭ بۇرىنعى قالپىنا ورالۋى ءۇشىن ءالى ءبىراز ۋاقىت بار.
