ۆيتسە-مينيستر الماتىنىڭ قوعامدىق دەنساۋلىق ساقتاۋ سالاسىن باسقارۋعا كەلدى

كامالجان نادىروۆ 1983 جىلى الماتى قالاسىندا دۇنيەگە كەلگەن. س.ج.اسفەندياروۆ اتىنداعى قازاق مەملەكەتتىك مەديتسينا ۋنيۆەرسيتەتىن, تۇران ۋنيۆەرسيتەتىن, قوعامدىق دەنساۋلىق ساقتاۋ جوعارى مەكتەبىن تامامداعان.

ءار جىلدارى Duke University, «The Fuqua School of Business» (اقش), «Parkway College» (سينگاپۋر), «Florence Nightingale» (تۇركيا) كلينيكالار توبىندا جانە «Oxford «Social Health Insurance system» (گەرمانيا) ءبىل العان.

2007-2014 جىلدارى ب.و.جاربوسىنوۆ اتىنداعى ۋرولوگيا عىلىمي ورتالىعىندا كلينيكا ورديناتورى, ءبولىم مەڭگەرۋشىسى, باس ديرەكتوردىڭ ورىنباسارى قىزمەتتەرىن اتقاردى.

دەنساۋلىق ساقتاۋ مينيسترلىگىنىڭ قۇرىلىمىندا 2014 جىلدان بەرى جۇمىس ىستەيدى. سونداي-اق, مەديتسينالىق قىزمەتتەردى ستاندارتتاۋ دەپارتامەنتى ديرەكتورىنىڭ ورىنباسارى قىزمەتىن اتقاردى.

2016-2017 جىلدار ارالىعىندا رەسپۋبليكالىق دياگنوستيكالىق ورتالىعىن باسقاردى – «University Medical Center» فيليالىنىڭ ديرەكتورى بولدى.

2017-2018 جىلدارى – استانا قالاسىنىڭ دەنساۋلىق ساقتاۋ باسقارماسىنىڭ باسشىسى بولدى.

ال 2018 جىلعى ناۋرىزدان 2019 جىلعى ناۋرىزعا دەيىن استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى قىزمەتىن اتقاردى.

2019 جىلعى ناۋرىزدان باستاپ قازىرگى تاڭعا دەيىن دەنساۋلىق ساقتاۋ ۆيتسە-ءمينيسترى لاۋازىمىن اتقاردى.