ءىىم ورتالىق اپپاراتىنىڭ جەتەكشى قىزمەتتەرى مەن بولىنىستەرى ازىق-ت ۇلىكتەر مەن ءبىرىنشى كەزەكتە قاجەتتى تاۋارلاردى جەتكىزدى. الدىن الۋ شارالارىن ساقتاي وتىرىپ, ءىىم قىزمەتكەرلەرى قارت ادامدار, تۇرمىسى تومەن وتباسىلاردان شىققان جەتىم بالالار ورنالاسقان بىرقاتار ەلوردالىق مەكەمەگە باردى. كوپ بالالى وتباسىلار مەن ەرەكشە بالالارى بار وتباسىلاردى دا قولداپ, قامقورلىق كورسەتتى.
مينيسترلىكتىڭ تەرگەۋ دەپارتامەنتىنىڭ دەلەگاتسياسى مۇمكىندىگى شەكتەۋلى بالالاردى تاربيەلەپ وتىرعان سەگىز وتباسىنا باردى.
ء«ىىم ورتالىق اپپاراتىنىڭ تەرگەۋشىلەرى ازاماتتىق ۇستانىمدارىن بىلدىرە وتىرىپ, اسىرەسە, ازىق-ت ۇلىك تۇرعىسىنان كومەكتى قاجەت ەتەتىن استانالىق وتباسىلاردى قولداۋعا بەل بۋدى جانە ولارعا كارانتيندى قاتاڭ ساقتاعانى ءۇشىن العىس ءبىلدىردى», دەپ اتاپ ءوتتى دەپارتامەنت باستىعى سانجار ءادىلوۆ.
ەسىرتكى قىلمىسىنا قارسى ءىس-قيمىل دەپارتامەنتىنىڭ جانە كوشى-قون قىزمەتى كوميتەتىنىڭ باسشىلارى ءومىردىڭ قيىن جاعدايىندا جۇرگەن بالالاردى قولداۋ ورتالىعىنا ازىق-ت ۇلىك سەبەتتەرىن, سونداي-اق جەمىس-جيدەكتەر مەن تاتتىلەردى اكەلدى.
«بۇگىن ءبىز ەڭ قورعالماعان – قيىن ومىرلىك جاعدايعا تاپ بولعان بالالاردى قولداۋ ورتالىعىنىڭ تاربيەلەنۋشىلەرىنە كومەك كورسەتۋدەن تىس قالا المايمىز. قازىر ولار بارلىق ۋاقىتتا كارانتين شارتتارىن ساقتاپ, ءۇي-جايدان شىقپاي وتىر. سوندىقتان ىشكى ىستەر مينيسترلىگى ولارعا كوڭىل-كۇي سىيلاپ, ولاردىڭ يممۋنيتەتتەرىن كوتەرەتىن سىيلىقتار دايىندادى. ءبىزدىڭ شاعىن كومەگىمىز ورتالىق تاربيەلەنۋشىلەرىن قۋانتادى جانە قولدايدى دەپ ۇمىتتەنەمىن», - دەدى ەسىرتكى قىلمىسىنا قارسى ءىس-قيمىل دەپارتامەنتىنىڭ باستىعى تىلەگەن ماتكەنوۆ.
ءىىم-ءنىڭ كادر ساياساتى, وزىندىك قاۋىپسىزدىك جانە اقپاراتتاندىرۋ جانە بايلانىس سالاسىنىڭ قىزمەتكەرلەرى مۇگەدەك بالالارعا ارنالعان ارنايى ينتەرناتقا باردى. ولار بالالارعا ازىق-ت ۇلىك اپاردى. مەكەمە باسشىلىعى پوليتسەيلەرگە كوڭىل بولگەنى ءۇشىن العىس ايتىپ, بۇل كومەكتىڭ ۋاقتىلىعى مەن قاجەتتىلىگىن اتاپ ءوتتى.
قارت ادامدار دا نازاردان تىس قالعان جوق. اكىمشىلىك پوليتسيا جانە توتەنشە جاعدايلار كوميتەتتەرىنىڭ, سونداي-اق كريمينالدىق پوليتسيا دەپارتامەنتىنىڭ باسشىلارى استانالىق قارتتار ۇيىنە ازىق-ت ۇلىك پەن ءبىرىنشى كەزەكتەگى قاجەتتى تاۋارلاردى اكەلدى. سونداي-اق, قايىرىمدىلىق كومەك قالا اكىمدىگىنىڭ «شاراپات» الەۋمەتتىك قىزمەت كورسەتۋ ورتالىعىنا جەتكىزىلدى.
«بۇگىنگى تاڭدا كورونوۆيرۋستىق ينفەكتسيا 60 جاستان اسقان قارت ادامدارعا اسا قاۋىپتى. ءبىز ادامنىڭ جاسى كەلگەن سايىن يممۋنيتەتى السىرەيتىنىن, ال سوزىلمالى اۋرۋلاردىڭ بولۋى اۋىرۋ كەزىندە جاعدايدى ۋشىقتىراتىنىن تۇسىنەمىز. سوندىقتان قارتتار ۇيلەرىنە ەرەكشە كوڭىل ءبولىپ وتىرمىز. يممۋنيتەتتى نىعايتۋ ءۇشىن ءبىز ءار ءتۇرلى دارۋمەندى تاعامدارمەن, پايدالى ازىق-ت ۇلىكپەن قامتاماسىز ەتۋدى شەشتىك», دەدى تجك توراعاسى ۆ. بەككەر.
ءوز كەزەگىندە مەكەمە وكىلدەرى كورسەتىلگەن كومەك ءۇشىن العىستارىن ءبىلدىردى.
