ەڭبەكتى الەم بالالارىنىڭ سۇيىكتى كەيىپكەرىنە اينالعان گرۋففالونى سۋرەتتەگەن اكسەل شەففلەر جانە انگليانىڭ جۇقپالى اۋرۋ كافەدراسىنىڭ ماماندارى Nosy Crow باسپاسىندا ازىرلەپ شىعاردى. ال كىتاپتىڭ قازاقشا نۇسقاسىن قۇراستىرعان رايسا سايران قادىر بولسا, اعىلشىن تىلىنەن نازگۇل قوجابەك اۋدارعان. كىتاپتى Steppe and World باسپاسى تەگىن اۋدارۋعا ىقپال ەتىپ, بالالارعا تەگىن تاراتىپ وتىر.
كىتاپتا كوروناۆيرۋس جايىنداعى اقپاراتتار بالالارعا تۇسىنىكتى تىلمەن بەرىلگەن. وندا ۆيرۋستان قالاي قورعانۋ كەرەك, ۇيدەن شىقپاي وتىرعاننىڭ ماڭىزدى ەكەنى, ۇيدە وتىرعاندا جابىعىپ, مۇڭايماۋى ءۇشىن جەڭىل تىلدە باياندالادى.
بۇعان دەيىن «Steppe & WORLD Publishing» باسپاسى بالالارعا ارنالعان جۋليا دونالدسوننىڭ «اقىن قويان», «گرۋففالو», ەريك كارلدىڭ «قوماعاي جۇلدىزقۇرت», سونداي-اق «اننا فرانكتىڭ كۇندەلىگى» سەكىلدى كىتاپتاردى قازاق تىلىنە اۋدارىپ, شىعارعان. 2020 جىلى باسپا جوان ءروۋليڭتىڭ ء«حارري پوتتەر مەن ءپالساپا تاس» كىتابىن ۇسىندى. الداعى ۋاقىتتا ء«حارري پوتتەر» سەرياسىنا كىرەتىن كىتاپتار وقىرمانعا جول تارتاتىن بولادى.
الماتى
