الماتى قالاسى اكىمىنىڭ ورىنباسارى ە. باباقۇماروۆ قالانىڭ باس مەملەكەتتىك سانيتارلىق دارىگەرى ج. بەكشين, قوعامدىق دەنساۋلىق باسقارماسىنىڭ باسشىسى ت. ابىلداەۆپەن بىرلەسىپ, بەينە-كونفەرەنتسيا-بايلانىس رەجيمىندە جۇقپالى اۋرۋلار ستاتسيونارلارى, پروۆيزورلىق گوسپيتالدار جانە كارانتيندىك بولىمشەلەر ورنالاسقان ەمحانالاردىڭ باس دارىگەرلەرىمەن جينالىس وتكىزدى.
جيىندا دارىگەرلەر مەن مەديتسينا قىزمەتكەرلەرىنىڭ ەڭبەك قاۋىپسىزدىگىن قامتاماسىز ەتۋ جانە كوروناۆيرۋس ينفەكتسياسىنىڭ جۇعۋىن بولدىرماۋ بويىنشا قابىلدانعان شارالار پىسىقتالدى.
«كەزدەسۋدىڭ باستى ماقساتى – قازىرگى جاعدايدى باعامداي وتىرىپ, دارىگەرلەردىڭ قاۋىپتى ىندەتكە شالدىقپاۋ ءۇشىن ءتيىستى شارالاردى كۇشەيتۋ», – دەپ اتاپ ءوتتى ەرجان باباقۇماروۆ.
قالا اكىمىنىڭ ورىنباسارى ە.باباقۇماروۆ مەديتسينا قىزمەتكەرلەرىن جەكە قورعانىش قۇرالدارىمەن قامتاماسىز ەتۋ, ولاردىڭ بەرىلۋى مەن دۇرىس تاعىلۋىن, سونىمەن بىرگە ەپيدەميولوگيالىق نورمالاردى ساقتاۋدى ءجىتى قاداعالاۋ مىندەتىن قويدى. ول ءۇشىن ءاربىر مەديتسينالىق ۇيىمدا جاۋاپتى قىزمەتكەر تاعايىندالعان.
ينفەكتسيالىق ستاتسيونارلاردىڭ ءىشىن «تازا» جانە «جۇمىسشى» (ينفەكتسيا جۇقتىرعاندار) ايماقتارىنا بولۋگە ەرەكشە كوڭىل بولىنگەن. بۇل ءادىس COVID-19-دى جۇقتىرعاندار جانە كاتارالدى بەلگىلەرى بار باسقا ناۋقاستارمەن بايلانىستا بولعان جاندارمەن قارىم-قاتىناس ورناتپاۋ ءۇشىن جاسالعان. اۋرۋحانالاردىڭ باس دارىگەرلەرىنە كەلۋشى ناۋقاستار لەگىن ءبولۋدى دۇرىس جولعا قويۋ كەرەكتىگى مىندەتتەلدى.
«ايماقتارعا ءبولۋ (زونالارعا ءبولۋ) – ماڭىزدى ماسەلە. فيلترلاردىڭ جۇمىسى, ناۋقاستاردى قابىلداپ, ولاردى ءتيىستى بولىمشەلەرگە ورنالاستىرۋ, پەرسونالدىڭ جۇمىسى, سونىمەن بىرگە, «تازا» جانە «جۇمىسشى» (ينفەكتسيا جۇقتىرعاندار) ايماقتارىندا كەزەكشى دارىگەرلەردىڭ اۋىسىمى كەزىندە قاۋىپسىزدىك تالاپتارىن ساقتاۋ دا ماڭىزدى», – دەپ اتاپ ءوتتى ەرجان باباقۇماروۆ.
سونداي-اق كادر رەسۋرستارىن جوسپارلاۋ جانە باسقارۋ, مەديتسينالىق رەزەرۆتى جانە دارىگەرلەر بريگادالارىنىڭ اۋىسىمدارىن دايىنداۋ بويىنشا جۇمىستى كۇشەيتۋ تاپسىرىلدى.
بۇدان وزگە كوروناۆيرۋسقا قارسى ءىس-قيمىلعا جۇمىلدىرىلعان دارىگەرلەر مەن مەديتسينالىق قىزمەتكەرلەرگە تولەمدەردى جۇزەگە اسىرۋدىڭ اشىقتىعىن قامتاماسىز ەتۋ تاپسىرىلدى. بۇگىندە الماتىدا قارجىلىق قولداۋدى ۇيىمداستىرۋ بويىنشا كوميسسيا جۇمىس ىستەيدى. تاۋەكەل توبىنداعىلارعا تولەنەتىن ۇستەماقىنى كوميسسيا شەشەدى. ايتا كەتۋ كەرەك, كوميسسيا قۇرامىنا Nur Otan پارتياسىنىڭ وكىلدەرى, قوعامدىق كەڭەستىڭ مۇشەلەرى دە كىرەدى.
قالانىڭ باس مەملەكەتتىك سانيتارلىق دارىگەرى جانداربەك بەكشيننىڭ ايتۋىنشا, بارلىق مەديتسينالىق ۇيىمداردا ينفەكتسيالىق باقىلاۋدى ساقتاۋعا جاۋاپتى گوسپيتالدىق ەپيدەميولوگتار جۇمىس ىستەيدى. ج. بەكشين باس دارىگەرلەردىڭ نازارىن مەكەمە اۋماعىندا بەتپەردە تاعۋ رەجيمىن قاتاڭ ساقتاۋ قاجەتتىگىنە اۋداردى.
جيىن بارىسىندا كوروناۆيرۋستىق ينفەكتسيانىڭ تارالۋىنا قارسى ءىس-قيمىل جانە قاۋىپسىزدىك شارالارىن قامتاماسىز ەتۋ بويىنشا مەديتسينالىق ۇيىمداردىڭ باس دارىگەرلەرىنىڭ ەسەپتەرى تىڭدالدى.
بۇل رەتتە №7 كلينيكالىق اۋرۋحانانىڭ باس دارىگەرى م. رامازانوۆ, №11 ەمحانادان م. ءجۇنىسوۆا, ورتالىق قالالىق كلينيكالىق اۋرۋحانادان م. ابدۋللاەۆ, كلينيكالىق جانە جۇقپالى اۋرۋلار اۋرۋحاناسىنان ا. ابدراحمانوۆا, №1 كوپسالالى مەديتسينالىق ورتالىقتان ج. ساپيەۆ, №3 كوپسالالى مەديتسينالىق ورتالىقتان ە. قاليەۆ, №32 ەمحانادان ا. قاجىباەۆ, №12 ەمحاناداگ ر. سۇلەيمەنوۆ, جەدەل مەديتسينالىق جاردەم ستانساسىنان ا. امەنوۆ, سونداي-اق قالالىق بالالار كلينيكالىق جۇقپالى اۋرۋلار اۋرۋحاناسى باس دارىگەرىنىڭ م.ا. ج. ەشىبەكوۆا بايانداما جاسادى.
