يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, شىعىس قازاقستان وبلىسىنىڭ اكىمى دانيال احمەتوۆ, قاراعاندى وبلىسىنىڭ اكىمى جەڭىس قاسىمبەك, اتىراۋ وبلىسىنىڭ اكىمى ماحامبەت دوسمۇحامبەتوۆ جانە ت.ب. بايانداما جاسادى.
2020-2025 جىلدارعا ارنالعان «نۇرلى جول» مەملەكەتتىك باعدارلاماسى اياسىندا رەسپۋبليكالىق ماڭىزى بار اۆتوجولداردىڭ 100%-ىن (21 مىڭ شاقىرىم جولدى سالۋ, رەكونسترۋكتسيالاۋ جانە جوندەۋ), وبلىستىق جانە اۋداندىق ماڭىزى بار اۆتوجولداردىڭ 95%-ىن (27 مىڭ شاقىرىمىن جوندەۋ) جاقسى جانە قاناعاتتانارلىق جاعدايعا كەلتىرۋ جوسپارلانعان. 112 ينفراقۇرىلىمدىق جوبا ىسكە اسىرىلادى, 550 مىڭ تۇراقتى جانە ۋاقىتشا جۇمىس ورنى قۇرىلادى.
پرەمەر-مينيستر بيىل جالپى ۇزىندىعى 4 مىڭ شاقىرىم بولاتىن رەسپۋبليكالىق اۆتوجولداردى سالۋ جانە رەكونسترۋكتسيالاۋ جۇمىستارىنا 200 مىڭنان استام قازاقستاندىق تارتىلاتىنىن اتاپ ءوتتى. تالدىقورعان – وسكەمەن, قاراعاندى – بالقاش – قاپشاعاي, قالباتاۋ – مايقاپشاعاي, مەركە – بۋرىلبايتال, ءۇشارال – دوستىق, اقتوبە – استراحان, ۇزىناعاش – وتار, پەتروپاۆل – رەسەي شەكاراسى, قوستاناي – دەنيسوۆكا سياقتى ۋچاسكەلەردە 2,6 مىڭ شاقىرىم جولدا قوزعالىس اشىلادى.
«بيىل پايدالانۋعا بەرىلەتىن رەسپۋبليكالىق ماڭىزداعى جولدار كولەمى وتكەن جىلعى كورسەتكىشپەن سالىستىرعاندا 4 ەسە ارتىق. جەرگىلىكتى ماڭىزى بار جولدار بويىنشا بيىل 3,5 مىڭ شاقىرىم جول جوندەۋدەن وتكىزىلەدى. قازاقستان تاريحىندا بۇرىن-سوڭدى مۇنداي اۋقىمدا جۇمىس جۇرگىزىلگەن جوق, سوندىقتان ءبىزدىڭ مىندەتىمىز – ولاردى تولىعىمەن ورىنداۋ. بارلىق كۇشتى جۇمىلدىرۋ قاجەت», - دەدى ا. مامين.
ۇكىمەت باسشىسى يندۋستريا جانە ينفراقۇرىلىمدىق دامۋ مينيسترلىگىنە اكىمدىكتەرمەن جانە «قازاۆتوجول» ۇك» اق-مەن بىرلەسىپ, وسى جىلى جوسپارلانعان كولەمنىڭ ۋاقىتىلى پايدالانۋعا بەرىلۋىن قامتاماسىز ەتۋدى, رەكونسترۋكتسيالانعان 5,7 مىڭ شاقىرىم ۋچاسكەلەردە (قاپشاعاي – تالدىقورعان, قىزىلوردا – شىمكەنت – تاراز, نۇر-سۇلتان – پاۆلودار جانە ت. ب.) اۆتوموبيل جولدارىندا تولەم جۇيەسىن ەنگىزۋ جۇمىسىن اياقتاۋدى تاپسىردى.
«قۇرىلىس ماۋسىمىن مۇمكىندىگىنشە ءتيىمدى پايدالانۋ قاجەت. جەكەلەگەن ەلدى مەكەندەردە كارانتين رەجيمىنە بايلانىستى ەنگىزىلگەن شەكتەۋلەر جاعدايىندا نىساندارعا جانار-جاعارماي, جول-قۇرىلىس ماتەريالدارى مەن تەحنيكاسىن ەش كەدەرگىسىز جەتكىزۋ ءۇشىن “جاسىل ءدالىز” جۇمىسىن قامتاماسىز ەتۋ قاجەت», — دەپ ا. مامين, وتاندىق قۇرىلىس يندۋسترياسىنىڭ قولدا بار مۇمكىندىكتەرىن بارىنشا پايدالانۋدى تاپسىردى.
پرەمەر-مينيستر ەلىمىزدىڭ ترانزيتتىك الەۋەتىن بارىنشا پايدالانۋدىڭ جانە ونىڭ ارتۋىنا بارلىق كولىك تۇرلەرىنىڭ (اۆتو- جانە تەمىر جول كولىگىمەن كونتەينەرلەردى تاسىمالداۋ, اۋە جۇك تاسىمالدارى), سونداي-اق بارلىق نەگىزگى وپەراتورلاردىڭ - قتج, قازاۆتوجول, قازاەروناۆيگاتسيانىڭ ىقپال ەتۋىنىڭ ماڭىزدىلىعىن اتاپ ءوتتى.
«يندۋستريا جانە ينفراقۇرىلىمدىق دامۋ مينيسترلىگىنە ترانزيتتىك اعىمدى قولداۋ جانە ىنتالاندىرۋ ءۇشىن قاجەتتى شارالاردى قولعا الۋدى تاپسىرامىن», — دەدى ا. مامين.
ۇكىمەت باسشىسى بيىل مەملەكەتتىك باعدارلامادا قاراستىرىلعان شىمكەنت اۋەجايىنىڭ جولاۋشىلار تەرمينالىنىڭ جانە تۇركىستانداعى حالىقارالىق اۋەجايدىڭ قۇرىلىسىن اياقتاۋدى, سونداي-اق وسكەمەن, ءۇشارال جانە ءۇرجار اۋەجايلارىن رەكونسترۋكتسيالاۋ جۇمىسىن باستاۋدى تاپسىردى.
«تەمىر جول كولىگى سالاسىندا ۆاگون پاركىن جاڭارتۋ جانە ماگيسترالدىق تەمىر جول جەلىسىنىڭ توزۋىن تومەندەتۋ بويىنشا, سونداي-اق سۋ كولىگى سالاسىندا كەمە قاتىناسى شليۋزدەرىنە كۇردەلى جوندەۋ جۇرگىزۋ بويىنشا جاڭعىرتۋ جۇمىستارىن جالعاستىرۋ قاجەت», — دەدى ا. مامين.
ۇكىمەت باسشىسى بيىل «نۇرلى جول» اياسىندا ىسكە اسىرۋ جوسپارلانعان بارلىق ءىس-شارالار بەلگىلەنگەن مەرزىمدە اياقتالۋى ءتيىس ەكەنىن ايتتى.
