سيمفونيالىق وركەستر ارتىستەرى مەن ءارتۇرلى ەلدەردىڭ ورىنداۋشىلارى سكريپكا, ۆيولونچەل, فورتەپيانو, گوبوي, فلەيتا, فاگوت, ۆالتورنا, كونتراباس جانە باسقا دا مۋزىكالىق اسپاپتاردا اتاقتى اۋەندى وينادى.
«مۋزىكالىق ارناۋ جازباسىنا ءبىزدىڭ, قىرعىزستان, وڭتۇستىك كورەيا, ءۇندىستان, نيدەرلاندى, ۋكراينا, قىتاي, فرانتسيا, يتالياداعى مۋزىكانت-دوستارىمىز قاتىستى», دەپ اتاپ ءوتتى ەلوردالىق فيلارمونيانىڭ مۋزىكانتتارى. اكتسيانى ۆيولونچەلشى گوتە گەرمان جانە ونىڭ وتباسى (فرانتسيا), فلەيتاشى لي زي-ەنگ (وڭتۇستىك كورەيا), سكريپكاشى دجيانگ تي (قىتاي), كلارنەتشى باحتيار دوورانوۆ (قىرعىزستان), ۆالتورناشى حانس ۆان دەر زيندەن (نيدەرلاندى), كونتراباستا ويناۋشى دجياكومو بانەللا (يتاليا), سكريپكاشى جانە ۆيولونچەلشى ريسۋ ۆيساك, قازاقستاندىق وتانداسىمىز كەنجەگۇل اكشەكينا ء(ۇندىستان), فاگوتيست الەكسەي ەمەليانوۆ (ۋكراينا), فاگوتيست الەكسەي ەمەليانوۆ (ۋكراينا) جانە تاعى باسقالار قۋانا قولدادى.
وسىلايشا, مۋزىكانتتار ناۋقاستار پالاتاسىندا ۇيقىسىز تۇندەر وتكىزىپ, كۇنى-ءتۇنى اۋىر اۋىرتپالىقتى كوتەرىپ, COVID 19-بەن كۇرەستە الدىڭعى قاتاردا تۇرعان بارلىق ازاماتتارعا ۇلكەن العىستارىن ءبىلدىرىپ, ء«بىز بىرگەمىز!» بىرەگەي ناۋقانىنىڭ قاتىسۋشىلارى: ء«سىزدىڭ ەڭبەگىڭىز باعا جەتپەس», دەپ ءۇن قوستى.
بەينەجازبا ارتىستەردىڭ دارىگەرلەر قۇرمەتىنە ءار تىلدە جازىلعان شىنايى سوزدەرىنىڭ ارقاسىندا ەرەكشە اسەرلى بولعاندىقتان, پاندەميامەن جالپى كۇرەس ءتۇرلى ۇلت ادامدارىن بىرىكتىردى. وسى ءبىر قيىن كەزەڭدە تەك ءبىر-بىرىنە دەگەن سۇيىسپەنشىلىك پەن كومەك بەرۋ ارقىلى عانا جەڭىسكە جەتۋگە بولادى – بۇل الەم مۋزىكانتتارىنىڭ باستى سالەمى.
