كوروناۆيرۋس ەپيدەمياسى سالدارىنان وڭتۇستىك ەۋروپانىڭ بارلىق ەلدەرى پورتتار تولىعىمەن جابىلعان. ول ايماقتار سانيتارلىق داعدارىستى ۋشىقتىرماس ءۇشىن جەرورتا تەڭىزىندە قۇتقارىلعانداردى قابىلداۋدان مۇلدەم باس تارتىپ وتىر. بوسقىنداردى قابىلداۋعا ارنالعان ارنايى ورتالىقتارداعى جاعداي بۇرىنعىسىنشا اپاتتىق جاعدايدا. وندا مادام كوپ, گيگيەنا قۇرالدار تاپشى.
ەندىگى كەزەكتە ۆيرۋس ىندەتى ءورشىپ تۇر. ينفەكتسيا جۇقتىرعان جاعدايدا ناۋقاستاردى وقشاۋلاۋعا جول جوق. ال گرەكيا بيلىگى بوسقىنداردىڭ بىرىندە كوروناۆيرۋس انىقتالعاننان كەيىن افينادان 40 شاقىرىم جەردە ورنالاسقان بۇكىل ميگراتسيالىق ورتالىققا كارانتين جاريالاعان-دى. بۇل جاعداي قانشا ۋاقىتقا سوزىلاتىنى بەلگىسىز. وسى جاعدايعا بايلانىستى «شەكاراسىز دارىگەرلەر» حالىقارالىق ۇيىمى ەۋروپاداعى بارلىق ەلدەردى بوسقىندارعا كومەك كورسەتۋدى جالعاستىرۋعا شاقىرۋدا. الايدا, قازىرگى جاعدايدا بۇعان ءمان بەرە قوياتىن ەۋروپا ەلدەرى جوق.
