«Adaldyq alańy» – ءوزارا ءىس-قيمىلدىڭ بىرەگەي ورتاسى
بۇگىن «Adaldyq alańy» جوباسى – مەملەكەت پەن ازاماتتىق قوعامنىڭ ءوزارا ءىس-قيمىلىنىڭ بىرەگەي الاڭى. وسى جوبا اياسىندا ىسكە اسىرىلعان مەملەكەتتىك اپپاراتتىڭ اشىقتىعى مەن ەسەپتىلىگى تۇرمىستىق سىبايلاس جەمقورلىقتى جويۋ ءۇشىن جاعداي جاسادى. اگەنتتىكپەن پاراساتتىلىق ينفراقۇرىلىمىن قۇرۋ اياسىندا 14 ايماقتا «انتيكور» ورتالىقتارى اشىلدى. «Antikor ortalygy» – بارلىق ادامدار وزدەرىن مازالاعان ماسەلەلەر بويىنشا قۇقىقتىق كومەك پەن كەڭەستەر الاتىن, سونداي-اق ازاماتتىق باستامالار الاڭى.
Open space فورماتىنا كوشۋ مەملەكەتتىك ورگانداردى ترانسفورماتسيالاۋ كريتەريلەرىنىڭ ءبىرى بولىپ تابىلادى. قازىرگى ۋاقىتتا ەلىمىزدە جالپى 1107 مەملەكەتتىك مەكەمە جاڭا فورماتتا قىزمەت ەتسە, ونىڭ 150-ءى اعىمداعى جىلدىڭ ءبىرىنشى توقسانىندا اۋىسقان. وتكەن كەزەڭدە 97 مەملەكەتتىك مەكەمە جۇرتشىلىقپەن جۇمىستىڭ سەرۆيستىك مودەلىنە كوشىپ, 296 باسشى ءبىرىنشى قاباتتارعا كوشىرىلگەن.
وسى جىلدىڭ باسىنان بەرى 2933 ازامات جوبالىق كەڭسەلەرگە جۇگىنگەن. ولاردىڭ 70% - ى ءوز سۇراقتارىن وڭ شەشتى.
وسىلايشا, «Ertis – adaldyq alańy» جوبالىق كەڭسەسىنىڭ كومەگىمەن پاۆلودار وبلىسىندا كوپ بالالى وتباسىنا مەملەكەتتىك تۇرعىن ءۇي قورىنان پاتەر بەرۋ جانە فەرمەرلىك شارۋاشىلىقتى سۋبسيديالاۋ ماسەلەسى شەشىلدى.
«Qyzyljar – adaldyq alańy» جوبالىق كەڭسەسى دەنساۋلىق ساقتاۋ سالاسىنداعى سىبايلاس جەمقورلىققا قارسى مونيتورينگ قورىتىندىسى بويىنشا ناۋقاستاردى قىمبات ءدارى-دارمەكپەن قامتاماسىز ەتۋ ماسەلەسىن وڭ شەشىپ بەردى.
جوبالىق كەڭسەلەردى جەتەكشى ساراپشىلار مەن قوعامدىق پىكىر كوشباسشىلارى باسقارادى. بۇگىنگى كۇندە «Adaldyq alańy» كەڭسەلەرى مينيسترلىكتەردە اشىلعان, ولاردى قر پرەزيدەنتىنىڭ شتاتتان تىس كەڭەسشىسى و. قۇدايبەرگەنوۆ, «ەۋرازيالىق يننوۆاتسيالاردى دامىتۋ قورى» قف نەگىزىن قالاۋشى جانە ديرەكتورى ب. قاسىموۆ, «كازگيۋ» ۋنيۆەرسيتەتىنىڭ باسقارما توراعاسى ت.نارىكباەۆ جانە قوعام قايراتكەرلەرى ا. سولوۆەۆا, ا. سۇلەيمەنوۆ, م.قامزولداەۆ جانە م.دۋانبەكوۆ سياقتى ءوز سالالارىنداعى جەتەكشى ساراپشىلار باسقارادى.
سىبايلاس جەمقورلىققا قارسى مادەنيەتتى قالىپتاستىرۋ ءۇشىن قوعامدا ءتۇرلى قۇرالدار قولدانىلادى. وڭىرلىك تەلەارنالاردا «Adaldyq alańy» ارنايى تەلەباعدارلامالارىنىڭ اپتا سايىن شىعۋى ۇيىمداستىرىلعان.
ال وڭىرلىك باسىلىمداردا «Adaldyq alańy» ارنايى ايدارلار جۇرگىزىلەدى.
ەسەپتى كەزەڭدە «Adaldyq alańy» جوباسىنىڭ سىبايلاس جەمقورلىق قۇقىق بۇزۋشىلىقتار جاساۋدىڭ الدىن الۋ بويىنشا جۇمىسى اياسىندا باسشى بۋىنداعىلاردى قوسقاندا, 6,2 مىڭنان استام مەملەكەتتىك قىزمەتشى باس بوستاندىعىنان ايىرۋ ورىندارىنا بارىپ, ونداعى تىنىس-تىرشىلىكپەن تانىستى.
توتەنشە جاعدايدىڭ ەنگىزىلۋىنە بايلانىستى «Adaldyq alańy» جوبالىق كەڭسەلەرىنىڭ قىزمەتى قايتا جاڭعىردى.
جوبالىق كەڭسەلەردىڭ وكىلدەرى جۇرگىزىلىپ جاتقان جۇمىس تۋرالى حالىقتى ونلاين حاباردار ەتۋدى, سونداي-اق باعا مونيتورينگىن جۇرگىزۋدى قولعا الدى. جۇرگىزىلگەن جۇمىس ناتيجەسىندە بىرقاتار وڭىرلەردە ازىق-ت ۇلىك تاۋارلارىنىڭ باعاسى 30-40%-عا تومەندەدى. سونداي-اق, كارانتيندىك بلوك-بەكەتتەردىڭ تۇراقتى ونلاين-مونيتورينگتى قامتاماسىز ەتۋ ماقساتىندا جوبالىق كەڭسەگە نۇر-سۇلتان جانە الماتى قالالارىنداعى بلوك-بەكەتتەر اۋماعىندا ورناتىلعان بەينە كامەرالارعا رۇقسات بەرىلگەنىن اتاپ ءوتۋ كەرەك.
بۇل مونيتورينگتى قاشىقتان جۇزەگە اسىرۋعا جانە سول ارقىلى وسى بلوك-بەكەتتەردەگى سىبايلاس جەمقورلىق تاۋەكەلدەرىن بارىنشا جويۋعا مۇمكىندىك بەردى.
