ءوزىنىڭ ەلەكتر ستانسالارىن, كومىر كەنىشتەرىن جانە ەنەرگيا بەرەتىن كومپانيالارىن جابدىقتاۋ ءۇشىن اسا ءىرى ەلەكتر ەنەرگەتيكالىق حولدينگ تاۋارلاردىڭ كەڭ سپەكترىن – راديوستانتسيالار مەن يزولياتورلاردان باستاپ ەلەكترودتار مەن ترانسفورماتورلارعا دەيىن ساتىپ الۋ تۋرالى سەرىكتەستىك قاتىناستارىن رەسىمدەدى.
«وففتەيك-شارت» – يمپورت الماستىرۋ جوبالارىنا قاتىسۋشى كاسىپكەرلەردى تاپسىرىس بەرۋ ارقىلى قولداۋدىڭ جاقسى قۇرالى. ياعني, جوبا ىسكە اسىرىلعاننان كەيىن ءونىم جەتكىزىلەتىن جانە ونىڭ قۇنى تولەنەتىن ۇزاق مەرزىمدى شارتتى بىلدىرەدى.
يمپورت الماستىرۋدى دامىتۋ وتاندىق ءوندىرىستى قولداۋدىڭ ءوتۋ ماڭىزدى اسپەكتىسى بولىپ تابىلادى. «سامۇرىق-ەنەرگو» اق-دا يمپورت الماستىرۋ جانە جەرگىلىكتى مازمۇندى دامىتۋ ماسەلەلەرى بويىنشا جەرگىلىكتى جوبالاۋ ءوفيسى قۇرىلعان, قازاقستاندىق وندىرۋشىلەرمەن جاسالعان الگى 8 وففتەيك شارت سونىڭ جۇمىسىنىڭ ناتيجەسى. بۇل ورايدا, يمپورت الماستىرۋعا جاتاتىن تاۋارلاردى ساتىپ الىناتىن جۇمىستار مەن قىزمەتتەر قاتارىنان شىعارۋعا ەرەكشە كوڭىل بولىنەدى. ماسەلەن, «سامۇرىق-ەنەرگو» اق-نىڭ قۇرامىنداعى ەنەرگيا بەرۋشى كومپانيا – «الاتاۋ جارىق كومپانياسى» اق ساتىپ الىناتىن جۇمىستاردان قازاقستاندا جاسالمايتىن «ترانسفورماتور» پوزيتسياسىن شىعارىپ تاستادى جانە وسىنداي پوزيتسيا بويىنشا ءوندىرىس ورنىن قۇرعان وتاندىق جەتكىزىپ بەرۋشىنى سوماسى 485 ملن تەڭگە بولاتىن تاپسىرىسپەن قامتاماسىز ەتتى.
«سامۇرىق-ەنەرگو» اق-نىڭ قامتاماسىز ەتۋ جونىندەگى باسقارۋشى ديرەكتورى دارحان ساعىندىقوۆتىڭ ايتۋىنشا, وففتەيك شارتتار مەحانيزمى بۇگىندە «سامۇرىق-قازىنا» ۇاق» اق-نىڭ ساتىپ الۋ جۇيەسىنە بەلسەندى تۇردە ەنگىزىلۋدە, بۇل وتاندىق بيزنەسپەن ىنتىماقتاستىقتى مۇلدە جاڭا دەڭگەيگە كوتەرۋگە, قوسىمشا جۇمىس ورىندارىن اشۋعا, سونداي-اق قازاقستاندا بۇرىن-سوڭدى بولماعان ءوندىرىس تۇرلەرىن يگەرۋگە مۇمكىندىك بەرەدى.
قور 2020 جىلدى وتاندىق وندىرۋشىلەردى قولداۋ جىلى دەپ جاريالاعانى ءمالىم. قوردىڭ كومپانيالارى نەگىزگى تاپسىرىس بەرۋشى رەتىندە ەكونوميكانىڭ ساۋدا, قىزمەت كورسەتۋ جانە ونەركاسىپ سەكتورلارىنىڭ ەداۋىر بولىگىن جۇمىسپەن قامتاماسىز ەتىپ وتىر. 2020 جىلدىڭ باسىنان بەرگى ۋاقىتتىڭ وزىندە-اق «سامۇرىق-ەنەرگو» اق توبىنىڭ ەلەكتر ەنەرگەتيكالىق كاسىپورىندارى حولدينگتىڭ تاۋار وندىرۋشىلەرىن سوماسى 2,5 ملرد تەڭگەدەن استام تاپسىرىسپەن قامتاماسىز ەتتى.
