ەندى پرەزيدەنت ۆ.پۋتين رەسەيدە جۇمىس ىستەپ جاتقان ەڭبەك ميگرانتتارى ۆيزالارىنىڭ مەرزىمى ءوتىپ كەتۋىنە بايلانىستى 15 ناۋرىزدان باستاپ 15 ماۋسىمعا دەيىن ەلدە بولۋ شارالارىن جەدەل ۇزارتۋ تۋرالى جارلىققا قول قويدى.
اتالعان قۇجات نەگىزىندە جۇمىس بەرۋشىلەردىڭ مەرزىمى ءوتىپ كەتكەن پاتەنتى بار ەڭبەك ميگرانتتارىن جالداۋى زاڭسىز بولىپ تابىلمايدى. ءارى قۇقىق قورعاۋ ورگاندارى ميگرانتتارعا اكىمشىلىك ايىپپۇل سالماي, دەپورتاتسيالاۋ, ۆيزانىڭ كۇشىن جويۋ شارالارىن قولدانباۋى ءتيىس.
وتكەن جىلعى ستاتيستيكا بويىنشا ماسكەۋدە شەتەل ازاماتتارىنا 463,7 مىڭ ەڭبەك پاتەنتى بەرىلسە, ونىڭ جارتىسىنا جۋىعى وزبەكستان, ال قىرىق پايىزعا جۋىعى تاجىكستان ازاماتتارىنا تيەسىلى بولعان. بۇل كەزدە قالا بيۋدجەتىنىڭ كىرىسى 18,3 ملرد ءرۋبلدى قۇراعان. ال ەۋرازيا ەكونوميكالىق وداعىنىنا مۇشە قازاقستان جانە قىرعىزستان ازاماتتارىنان ءتيىستى ورگاندار ەڭبەك پاتەنتىن تالاپ ەتپەيدى.
