«كۇن سايىن بەس جۇزگە جۋىق ادامنان قۇرالعان 70 بريگادا اۋلالار مەن كىرەبەرىستەردى زارارسىزداندىرۋعا شىعادى. كۇنىنە 70 مىڭ ليتر دايىن ەرىتىندى قولدانىلادى. جالپى جۇمىس باستالعاننان بەرى ميلليون ليتردان استام دايىن ەرىتىندى جۇمسالدى. نەگىزگى باسىمدىق تۇرعىن ءۇي كەشەندەرىنە بەرىلگەن», دەدى الماتى قالاسى تۇرعىن ءۇي ساياساتى باسقارماسى باسشىسىنىڭ ورىنباسارى مەيىرجان وتىنشيەۆ.
بۇگىنگى تاڭدا ماماندار ءۇش ميلليون شارشى مەترگە جۋىق كوشە مەن جارتى ميلليون شارشى مەتر جۇرگىنشى جولدارىن دەزينفەكتسيالاعان. ونىڭ ىشىندە ايالدامالار, كوشەدەگى قوقىس جاشىكتەرى مەن كونتەينەر الاڭدارى دا نازاردان تىس قالمايدى.
– 25 ناۋرىزدان باستاپ قازىرگى ۋاقىتقا دەيىن, بەكىتىلگەن كەستەگە سايكەس, تۇرعىن ءۇي قورىنىڭ جالپى الاڭدارىن كۇن سايىن دەزينفەكتسيالاۋ, سونىڭ ىشىندە ىرگەلەس جاتقان اۋلالاردى وڭدەۋ جۇمىستارى جۇرگىزىلىپ جاتىر. ليفتىلەر, كىرەبەرىستەر مەن ەسىكتەر سىندى تۇرعىندار كوپ ۇستايتىن جەرلەر. كۇن سايىن 1 دەزينفەكتسيالاۋشى, 5 بريگادير جانە 3 جۇرگىزۋشى جۇمىلدىرىلعان, – دەيدى الماتى قالاسى ناۋرىزباي اۋدانى كوممۋنالدىق شارۋاشىلىق ءبولىمىنىڭ باس مامانى جاندوس تاكىباەۆ.
