تسيفرلاندىرۋ باعىتتارىنىڭ وزەكتىلىگىن ەسكەرە وتىرىپ, اگەنتتىك سوتقا دەيىنگى تەرگەۋدى ەلەكتروندى فورماتتا جۇرگىزۋ جانە كيبەرقاۋىپسىزدىكتى قامتاماسىز ەتۋ ءۇشىن جۇمىس ورىندارىن بارلىق قاجەتتى قۇرالدارمەن تولىق جاراقتاندىرۋ بويىنشا جۇمىستى كۇشەيتۋدە. ماسەلەن, قارجىلاندىرۋدىڭ باستالۋىن كۇتپەستەن, اگەنتتىك 2019 جىلى ءوز كۇشىمەن ۇنەمدەلگەن قاراجات ەسەبىنەن 89 ملن 320 مىڭ تەڭگەگە قاجەتتى جابدىقتى ساتىپ الدى.
بۇل وسى جىلدىڭ باسىنان بەرى ەلىمىزدىڭ 3 وڭىرىندە (باتىس قازاقستان, اتىراۋ جانە پاۆلودار وبلىستارىندا) «ە – قىلمىستىق ءىس» فورماتىندا ىستەردى تەرگەۋدى باستاۋعا مۇمكىندىك بەردى. جاقىن ارادا تەرگەۋدى ەلەكتروندى فورماتتا تاعى 5 وڭىردە باستاۋ جوسپارلانىپ وتىر. ناتيجەسىندە, بيىلعى 1 توقساندا ەلەكتروندى فورماتتا 9 قىلمىستىق ءىس تەرگەلدى, ولاردىڭ التاۋى سوتقا جىبەرىلگەن, سونىڭ بىرەۋى بويىنشا ايىپتاۋ ۇكىمى شىققان.
تەرگەۋدىڭ ەلەكتروندى فورماتى ينستيتۋتىن كەڭەيتۋ ماقساتىندا, سىبايلاس جەمقورلىققا قارسى قىزمەتتىڭ 2020-2022 جىلدارعا ارنالعان بيۋدجەتىندە جوبانى ودان ءارى كەزەڭ-كەزەڭمەن ىسكە اسىرۋعا قاراجات كوزدەلگەن.
قوعامنىڭ تسيفرلى تەحنولوگيالار داۋىرىنە كىرۋىمەن قىلمىستىق ىستەردى ەلەكتروندى فورماتتا جۇرگىزۋدىڭ ارتىقشىلىعى ايقىن. مۇنداي فورماتتى پايدالانۋ, ەڭ الدىمەن, قىلمىستىق ىستەردى تەرگەۋ پروتسەسىندە سىبايلاس جەمقورلىق تاۋەكەلدەرىن تومەندەتۋگە اسەر ەتەدى, ويتكەنى ترانسپارەنتتىك پەن اشىقتىق دەڭگەيىن ارتتىرادى, سونداي-اق اقپاراتتى قورعاۋ جونىندەگى تەحنولوگيالاردى پايدالانۋدى ەسكەرە وتىرىپ, قىلمىستىق ىستە قۇجاتتاردى بۇرمالاۋعا جانە اۋىستىرۋعا كەدەرگى كەلتىرەدى.
ءوز كەزەگىندە, بۇل قىلمىستىق ءىس جۇرگىزۋدى جۇزەگە اسىراتىن ورگاندار قىزمەتكەرلەرىنىڭ ەسەپتىلىگىن كۇشەيتەدى جانە تارتىپتىلىكتى ورناتادى.
سوتقا دەيىنگى تەرگەپ-تەكسەرۋ ەلەكتروندى فورماتتا مەملەكەتتىك ورگانداردىڭ اقپاراتتىق بازالارىمەن ينتەگراتسياسىنا بايلانىستى قىلمىستىق پروتسەستى وڭتايلاندىرادى, ۋاقىت شىعىنىن قىسقارتادى, ياعني, ەلەكتروندىق قىلمىستىق ءىس شەڭبەرىندە تەرگەپ-تەكسەرۋدى جۇرگىزەتىن قىزمەتكەرلەرگە مەملەكەتتىك ورگانداردان ادامدارعا, م ۇلىككە جانە ت. ب. مالىمەتتەردى سۇراۋدىڭ قاجەتى جوق. وسىنىڭ ءبارىن تەرگەۋشى كابينەتتەن كىرمەي-اق ينتەگراتسيالانعان جۇيەلەر ارقىلى ەلەكتروندى تۇردە الا الادى. سونداي-اق بيۋدجەتتىك شىعىنداردى قىسقارتۋعا مۇمكىندىك بەرەدى. بۇل قىلمىستىق پروتسەسكە قاتىسۋشىلار مەن قىزمەتكەرلەردىڭ قوزعالۋىنا, قاعازدى جانە باسقا دا قاجەتتى قاراجاتتى پايدالانۋدى قىسقارتۋىنا بايلانىستى.
اگەنتتىك قاۋىپسىزدىك جۇيەسىنىڭ قازىرگى زامانعى تەحنولوگيالارىن ساقتاي وتىرىپ, ەلدىڭ بارلىق وڭىرلەرىندە «ە-قىلمىستىق ءىس» جوباسىن ەنگىزۋ بويىنشا بەلسەندى جۇمىس جۇرگىزۋدى جالعاستىرۋدا.
