بۇگىندە ExxonMobil جانە Walgreens سياقتى ءىرى كورپوراتسيالار نەسيە جەلىلەرىن كادەگە اسىرىپ ۇلگەرگەن ءارى كومەككە مۇقتاج. ءدال قازىرگى جاعدايدا كاسىپكەرلەر جۇمىسشىلارىن جۇمىستان شىعارۋ, الدە تولەمدەردى نەسيە ارقىلى راسىمدەۋ قاجەتتىگىن بىلمەي داۋرىعۋدا. ال بانكتەر ستۋدەنتتەردىڭ جانە نەسيە كارتالارى بويىنشا قارىزداردى جابۋدى تالاپ ەتۋدە.
Princeton University ەكونوميسى Atif Mian ەلدە قيىن كەزەڭ تۋىنداعاندىعىن ءارى بۇرىن-سوڭدى بولماعان قارىز تۋرالى ءسوز بولىپ جاتقاندىعىنا الاڭداۋشىلىق ءبىلدىردى. بۇدان بۇرىن قارجى ءمينيسترى Steven Mnuchin مەملەكەت پاندەميادان شىعىنعا ۇشىراپ جاتقان بيزنەس ءۇشىن قارجىنى اياماۋ كەرەكتىگىن ايتقان بولاتىن.
تاياۋدا فەدەرالدى قور جۇيەسى پايىزدىق مولشەرلەمەنى نولگە دەيىن ءتۇسىرىپ, سوڭعى 2 ترلن دوللاردان استام قاراجات سالعانى بەلگىلى. وسى ورايدا حالىقارالىق ۆاليۋتا قورىنىڭ جىلدىڭ سوڭىنا قاراي اقش-تىڭ ءجىو 5,9 پايىز تومەندەيدى دەسە, JP Morgan قارجى حولدينگى 40 پايىز دەپ بولجايدى.
