بۇگىن 19 ءساۋىر كۇنى جامبىل وبلىسىندا كوروناۆيرۋستىق ينفەكتسيانىڭ 2 جاڭا جاعدايى تىركەلدى. ناۋقاستاردىڭ ءبىرى قورداي اۋدانىندا انىقتالعان. جۇرگىزۋشى بولىپ جۇمىس ىستەيتىن پاۆلودار تۇرعىنى قىرعىزستاننان الماتىعا بارا جاتقان. مەملەكەتتىك شەكارانى كەسىپ ءوتۋ كەزىندە, ياعني «قاراسۋ» بەكەتىندە اتالعان ازاماتتان قان تالداۋى الىنىپ, ول كوروناۆيرۋسقا وڭ ناتيجە كورسەتكەن. ەكىنشى وقيعا تاراز قالاسىندا انىقتالدى. قالا تۇرعىنى بۇگىندە جرۆي دياگنوزىمەن پروۆيزورلىق ستاتسيونارعا جاتقىزىلىپ, زەرتتەۋ ناتيجەسى ينفەكتسيانىڭ بار ەكەنىن انىقتاعان.
جامبىل وبلىسى اكىمدىگىنىڭ مالىمەتىنشە, ناۋقاستار بۇگىندە ينفەكتسيالىق ستاتسيونارعا ورنالاستىرىلعان. ولارمەن بايلانىستا بولعان تۇلعالاردىڭ اۋرۋ جۇقتىرۋ قاۋپىن انىقتاۋ بويىنشا جۇمىستار جالعاسۋدا. وشاقتاردا ەپيدەمياعا قارسى ءىس-شارالار جۇرگىزىلگەن. بۇگىندە وڭىردە بارلىعى 60 جاعداي تىركەلىپ وتىر. ونىڭ ىشىندە تاراز قالاسىندا 10, بايزاق اۋدانىندا 3, جامبىل اۋدانىندا 4, قورداي اۋدانىندا 33, مەركى اۋدانىندا 2, مويىنقۇم جانە شۋ اۋدانىندا بىرەۋدەن انىقتالعان. ال, ءۇندىستاننان كەلگەن «دەلي-تاراز» رەيسىنىڭ جولاۋشىلارى اراسىندا 6 وقيعا ورىن العان. سونىمەن قاتار, بۇگىنگى, ياعني 19 ساۋىردەگى جاعداي بويىنشا وڭىردە 6 ادام ساۋىعىپ, دارىگەرلەردىڭ باقىلاۋىمەن ءۇي كارانتينىنە الىندى.
جامبىل وبلىسى
