1985 جىلى تۋعان پاتسيەنت ۆيرۋسى بۇرىن انىقتالعان ناۋقاستارمەن بايلانىستا بولعان. 4 ساۋىردەن باستاپ كارانتيندە بولعان. كەلىپ تۇسكەن كۇنى جانە 10 ساۋىردە COVID-19 ۆيرۋسىنا جاسالىنعان ەكى رەت تالداۋ تەرىس ناتيجە كورسەتكەن بولاتىن. 17 ساۋىردە سوڭعى رەت الىنعان تالداۋ وڭ ناتيجە بەردى.
«بۇگىن الماتىدا كوروناۆيرۋستىق ينفەكتسيادان ساۋىققان تاعى 4 پاتسيەنت ەمدەۋدەن شىعارىلدى», - دەدى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ.
ەكى ايەل مەن ەكى ەر ادام, ولاردىڭ بارلىعى ۆيرۋسى بۇرىن انىقتالعان ناۋقاستارمەن بايلانىستا بولعاندار.
قازىر ولاردىڭ بارلىعى 14 كۇندىك ءۇي كارانتينىنە شىعارىلعان.
جالپى العاندا, الماتىدا Covid-19-دان ساۋىعىپ شىققاندار سانى 84 ادامدى قۇرايدى. قازىرگى ۋاقىتتا جۇقپالى اۋرۋلار ستاتسيونارلارىندا Cوvid-19-دان الماتى وبلىسىنان پاتسيەنتتى ەسەپكە الا وتىرىپ, 419 پاتسيەنت ەم الىپ جاتىر.
