iKomek ورتالىعى تۇرعىندارعا 1000-نان استام قىزمەت ءتۇرىن كورسەتەدى جانە قوڭىراۋ شالعان ادام ءوز ساۋالىنا بىردەن جاۋاپ الا الادى. وبلىس تۇرعىندارىنا ىڭعايلى بولۋ ءۇشىن وڭتايلى قىزمەت كورسەتۋ ورتالىعىنا «109» بىرىڭعاي تەلەفون ءنومىرى بەرىلگەن. وسى نومىرگە قوڭىراۋ شالۋ ارقىلى كەز كەلگەن تۇرعىن قالا قۇرىلىمىنا قاتىستى ءوزىن مازالاعان ساۋالعا جاۋاپ الادى جانە كەز كەلگەن وقىس وقيعا تۋرالى حابارلاي الادى.
ازاماتتارعا ىڭعايلى بولۋ ءۇشىن ورتالىق «109» نومىرىنە قوسا, Facebook, Telegram جانە WhatsApp الەۋمەتتىك جەلىلەرى ارقىلى جۇمىس ىستەيدى.
ايتا كەتۋ كەرەك, «iKomek» بىرىڭعاي بايلانىس ورتالىعى تاۋلىك بويى جۇمىس ىستەيدى. ورتالىققا قازىر نەگىزىنەن كارانتين رەجىمىنە قاتىستى ساۋالدار كەلىپ تۇسۋدە. سوڭعى ەكى كۇن ىشىندە «iKomek»-كە 5 مىڭنان استام ءوتىنىم ءتۇسىپ, ونىڭ 3,8 مىڭى قاناعاتتاندىرىلعان.
قوستاناي وبلىسى
