– قازاقستاننىڭ جاس پەداگوگ-عالىمدارى قاۋىمداستىعى ۇيىمداستىرعان ونلاين فورماتتاعى باسقوسۋعا ءبىلىم جانە عىلىم مينيسترلىگىنىڭ جانىنان قۇرىلعان جاس عالىمدار كەڭەسىنىڭ مۇشەلەرى, قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ وكىلدەرى, «بولاشاق»باعدارلاماسىنىڭ تۇلەكتەرى, وتاندىق جانە شەتەلدىك جوعارى وقۋ ورىندارىنىڭ ءبىلىم الۋشىلارى مەن قىزمەتكەرلەرى قاتىستى, – دەدى ءباسپاسوز قىزمەتىنىڭ جەتەكشىسى.
جاس عالىمداردىڭ ءبىلىم مەن عىلىمداعى ينتەگراتسيالىق ۇدەرىستەردى تالقىلاۋ جيىنىنداقىزدار ۋنيۆەرسيتەتىنىڭ رەكتورى گاۋحار الدامبەرگەنوۆا ءسوز سويلەپ, باسقوسۋ عىلىم مەن ءبىلىمنىڭ كوكجيەگىن كەڭەيتە تۇسۋگە وزىندىك ىقپالىن تيگىزەتىنىن اتاپ ءوتتى.
– ەلباسىمىز پەداگوگيكالىق ءبىلىم بەرۋ سالاسى الدىندا قازاقستاننىڭ الەمدىك باسەكەگە قابىلەتتى جاس ۇرپاعىن تاربيەلەۋ ءۇشىن ەرەكشە بەلسەندى, ويى ۇشقىر, تانىمى كەڭ جانە ازاماتتىق ۇستانىمى جوعارى پەداگوگتار دايىنداۋ مىندەتىن قويدى. وسى ماڭىزدى ماقساتتى نەگىزگە الا وتىرىپ, قازاقستان جاس پەداگوگ-عالىمدارى قاۋىمداستىعىن قۇرۋتۋرالى باستامانى قولعا العان بولاتىنبىز. قاۋىمداستىق ەلىمىزدەگى مۇعالىم ماماندارىن دايىندايتىن جوعارى وقۋ ورىندارىمەن بىرلەسىپ ءبىلىم بەرۋ مەن عىلىم سالاسىنداعى ءتۇرلى باستامالاردى مۇمكىندىگىنشە ىسكە اسىرۋعا اتسالىسىپ كەلەدى. قازاقستاندى الەمدىك ارەناداعى ءىرى مەملەكەتكە اينالدىرۋ جاس عالىمداردىڭ ەنشىسىنە جۇكتەلگەن مىندەت. ساناسى جوعارى, زاماناۋي تەحنولوگيالاردى مەڭگەرگەن جاستاردىڭ عىلىمعا بەرەر مۇمكىندىكتەرى مول ەكەنىنە سەنىمدىمىن, – دەدى ۋنيۆەرسيتەت باسشىسى.
سونىمەن قاتار ول قاۋىمداستىقتىڭ نەگىزگى مىندەتىنە توقتالىپ ءوتتى.
– ۇيىمنىڭ باستى ماقساتى – جاس عالىمداردىڭ ديالوگ الاڭىن ۇيىمداستىرۋ, عىلىم مەن ءبىلىمدى ۇشتاستىرا وتىرىپ, جاستاردىڭ عىلىمي يدەيالارىنىڭ وندىرىسكە ەنۋىنە ىقپال جاساۋ. سەبەبى ولاردىڭ عىلىم جولىنداعى اشقان جاڭالىقتارى ەلىمىزدىڭ دامۋىنا سەپتىگىن تيگىزەدى دەپ ويلايمىن. عىلىمي الەۋەتتى ارتتىرۋ قازاقستاندىق جوعارى وقۋ ورىندارىنىڭ باستى مۇددەءسىنىڭ ءبىرى. بۇل تۇرعىدا قىزدار ۋنيۆەرسيتەتى ساپالى ءبىلىم بەرۋمەن قاتار, ىرگەلى عىلىمدى دامىتۋعا دا ۇلكەن ۇلەس قوسىپ كەلە جاتىر. سونىڭ ءبىر ايعاعى بۇگىنگى جيىن دەپ ايتا الامىن. سەمينار جۇمىسىنا ساتتىلىك تىلەيمىن, – دەپ اتاپ ءوتتى گاۋحار الدامبەرگەنوۆا.
ەكى ساعاتقا سوزىلعان جيىن بارىسىندا«بولاشاق» ۋنيۆەرسيتەتىنىڭ رەكتورى قۋانىش داۋرەنبەكوۆ «كريزيسكە قارسى شارالار – ءبىلىم مەن عىلىم ساپاسىنىڭ دامۋ قۇرالى», قازاقستان جاس عالىمدار كەڭەسىنىڭ توراعاسى, ۇلتتىق بيوتەحنولوگيا ورتالىعىنىڭ ادام گەنەتيكاسى زەرتحاناسىنىڭ مەڭگەرۋشىسى ماقسات جاباعين «كارانتين جاعدايىنداعى قاشىقتىق – جاڭا عىلىمي كوللابوراتسيالار مۇمكىندىگى», «بولاشاق»حالىقارالىق باعدارلاماسىنىڭ ستيپەندياتى, م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ تاعىلىمگەرى بيبول جاقىپباەۆ «ديستانتسيوننايا ۆزايموسۆياز ناۋچنو-وبرازوۆاتەلنوگو ي يسسلەدوۆاتەلسكوگو پروتسەسسوۆ ۆ ۋسلوۆياح سامويزولياتسي» جانە تۇركيانىڭ انكارا ۋنيۆەرسيتەتىنىڭ پوستدوكتورانتى ەلميرا ۋايدۋللاقىزى «تۇركيانىڭ ءبىلىم بەرۋ جۇيەسىندەگى قاشىقتان وقىتۋدىڭ ماڭىزى مەن ءرولى»تاقىرىپتارىندا ويلارىن ورتاعا سالىپ, ءوزارا پىكىر الماستى.
– سەمينار بارىسىندا قاشىقتان وقىتۋ تەحنولوگياسىن قولدانۋداعى قازاقستاندىق تاجىريبە عانا ەمەس, سونداي-اق رەسەي جانە تۇركيانىڭ ءبىلىم بەرۋ جۇيەسىندەگى جاڭاشىلدىقتار دا ايتىلدى. بۇل –عىلىم جولىنداعى جاستاردىڭ كەڭ تۇرعىدا ويلانىپ, جان-جاقتى زەرتتەۋ جۇرگىزۋگە جانە تالداۋ جاساۋعا دايىن ەكەندىگىن كورسەتتى. بۇل جاقسى ناتيجە دەپ سانايمىز, – دەيدى سەمينار قاتىسۋشىلارى.
جيىن اياسىندا ءبىلىم جانە عىلىم مينيسترلىگىنە قاراستى بولون پروتسەسى جانە اكادەميالىق ۇتقىرلىق ورتالىعىنىڭ ديرەكتورى الماگۇل قۇلتۋمانوۆا بىرنەشە ۇسىنىس ءبىلدىردى. ولاردىڭ قاتارىندا قاشىقتان وقىتۋعا بايلانىستى وقۋ-ادىستەمەلىك نۇسقاۋلىقتى قولعا الۋ, بىتىرۋشىلەردىڭ ديپلومدىق جانە ديسسەرتاتسيالىق جۇمىستارىنىڭ تاقىرىپتارىن جۇمىس بەرۋشىلەرمەن بىرلەسە وتىرىپ بەكىتۋ, كارانتين جاعدايىنا بايلانىستى ديپلومدىق جانە ماگيسترلىك جۇمىستاردى TEDx فورماتىندا قورعاۋ سىندى ماسەلەلەر بار.
سەمينار بارىسىندا قاتىسۋشىلار سپيكەرلەرگە تاقىرىپقا وراي سۇراقتار قويىپ, وزىندىك پىكىرلەرىن بىلدىرۋگە مۇمكىندىك الدى. جيىن سوڭىندا ارنايى قارار قابىلداندى.
