ايماق باسشىسىنىڭ بايانداۋىنشا, بۇگىنگە دەيىن قوستاناي وبلىسىندا ىندەتكە قارسى كۇرەسۋ جانە ونىڭ الدىن الۋ ماقساتىندا 1 228 مەديتسينالىق توسەك-ورىن جابدىقتالعان. الدىن الا بەكىتىلگەن جوسپارعا سايكەس كوروناۆيرۋس ىندەتىن انىقتاۋ ماقساتىندا 3376 زەرتتەۋ جۇرگىزىلدى. 1068 ادام ءۇي كارانتينىندە جاتىر. ينفەكتسيانىڭ ودان ءارى تارالۋىنا جول بەرمەۋ ماقساتىندا 17 ساۋىردە ساعات 00:00-دەن باستاپ ايماقتا كارانتين جاريالاندى. كارانتين ءتارتىبىن 29 توسقاۋىل بەكەتى, 33 موبيلدىك پاترۋل جانە 300-دەن استام جاياۋ پوليتسيا قىزمەتكەرى قامتاماسىز ەتەدى. كارانتيننىڭ العاشقى ەكى كۇنى پوليتسيا شەكتەۋ شارالارىن ساقتاۋ جونىندە تۇرعىندارعا ءتۇسىندىرۋ جۇمىستارىن جۇرگىزەتىن بولادى. سودان كەيىن تج رەجيمىن بۇزعانى ءۇشىن ايىپپۇل سانكتسيالارىن قولدانا باستايدى. تج رەجيمى باستالعاننان بەرى 408 قۇقىق بۇزۋشى اكىمشىلىك جاۋاپكەرشىلىككە تارتىلدى, ونىڭ 40-ى قاماۋعا الىندى.
سونداي-اق, ارحيمەد مۇحامبەتوۆ مەملەكەت باسشىسىنا شارۋاشىلىقتاردىڭ كوكتەمگى ءدان ءسىڭىرۋ ناۋقانىنا دايىندىعى جونىندە بايادادى: - قوستاناي وبلىسى كوكتەمگى ەگىسكە تولىق دايىن. جاقىن كۇندەرى جەر وڭدەۋ, ىلعال جابۋ جۇمىستارى باستالادى. اۋىل شارۋاشىلىعى قۇرىلىمدارى تۇقىممەن تولىق كولەمدە قامتاماسىز ەتىلگەن. كوكتەمگى ەگىس جۇمىستارىنا 22,9 مىڭ تراكتور, 1032 ءدان ەككىش كەشەن جۇمىلدىرىلماق. تەحنيكا 100% دايىن. وبلىس بويىنشا 71 مىڭ توننا ارزانداتىلعان ججم ءبولىندى, جەتكىزۋ كەستەگە سايكەس جۇزەگە اسىرىلادى. «اگرارلىق نەسيە كورپوراتسياسى» اق ارقىلى ەگىس جۇمىستارىن نەسيەلەندىرۋگە 25,9 ملرد تەڭگە ءبولىندى, - دەدى وبلىس اكىمى.
ا.مۇحامبەتوۆ پاندەميا كەسىرىنەن تابىسىن جوعالتقانداردى الەۋمەتتىك قولداۋ شارالارىنىڭ قالاي جۇزەگە اسىرىلىپ جاتقانىنا دا توقتالدى. بۇگىنگى كۇنى 117 260 ازاماتقا 5 ملرد تەڭگە سوماسىندا الەۋمەتتىك تولەم تاعايىندالدى. جۇمىسپەن قامتۋدىڭ جول كارتاسى اياسىندا ينفراقۇرىلىمدىق جوبالاردى ىسكە اسىرۋعا شامامەن 54 ملرد تەڭگە ءبولىندى. وبلىستا 13 مىڭنان استام جۇمىس ورنى قۇرىلادى. جۇمىسپەن قامتۋدىڭ جول كارتاسى توتەنشە جاعداي كەزىندە ءبىزدىڭ وبلىستىڭ 6,7 مىڭنان استام تۇرعىنىن 85 مىڭ تەڭگەدەن كەم ەمەس مولشەردە تابىسپەن قامتاماسىز ەتۋگە مۇمكىندىك بەرەدى, - دەدى وبلىس اكىمى.
ايماق باسشىسىنىڭ ەسەبىن تىڭداعان پرەزيدەنت ا.مۇحامبەتوۆكە بىرقاتار ناقتى تاپسىرمالار جۇكتەدى, - دەپ مالىمدەدى قوستاناي وبلىسى اكىمىنىڭ ءباسپاسوز قىزمەتى.
قوستاناي وبلىسى
