زەرتتەۋ ناتيجەسى بويىنشا يممۋندىق جاسۋشالارداعى وزگەرىس مەتابوليزمنىڭ جوعارىلاۋىنا اپارادى. ناتيجەسىندە COVID-19 اعزاداعى گليۋكوزانىڭ الماسۋىن جوعارىلاتاتىنى انىقتالعان. سونىمەن قاتار اعزادا يممۋندىق جاسۋشالار شامادان تىس كوبەيەدى. كوبىنەسە وكپەدە پايدا بولاتىن بۇل وزگەرىستىڭ سالدارى قانت ديابەتىنە شالدىققان ناۋقاستىڭ ومىرىنە قاۋىپ توندىرەدى. تسيتوكين – يممۋندىق جاسۋشالاردىڭ بەلسەندى كومپونەنتتەرى, ال تۇماۋراتقان كەزدە ول كۇشەيە تۇسەدى. كوروناۆيرۋس ينفەكتسياسى كەزىندە ءدال وسى جاعداي ورىن الادى, دەيدى زەرتتەۋشىلەر. عالىمدار زەرتتەۋ بارىسىندا كەمىرگىشتەرگە اعزادا تسيتوكيندەردى ارتتىراتىن گليۋكوميندەر بەرگەن. سونىمەن قاتار تۇماۋمەن اۋىرعانداردىڭ قانىن زەرتتەپ, قورىتىندىسىن ساۋ ادامنىڭ قانىمەن سالىستىرعان.
عالىمداردىڭ وسىدان 3 جىل بۇرىن باستاعان زەرتتەۋ جۇمىستارى وتكەن جىلعا دەيىن جالعاسىن تاپقان. ناتيجەسىندە بەلگىلى بولعانىنداي, گليۋكوزا تسيتوكيننىڭ ورشۋىنە سوقتىرادى, ال ۆيرۋس اعزاعا تۇسكەن كەزدە ونىڭ دەڭگەيىنە اسەر ەتەدى.
