توتەنشە جاعداي كەزەڭىندە وتاندىق كومپانيالار تاپ بولعان كوممەرتسيالىق جىلجىمايتىن م ۇلىك نارىعىنىڭ ماسەلەلەرىن QazKenes.kz پلاتفورماسىندا بەينەكونفەرەنتسيا رەجيمىندە جىلجىمايتىن م ۇلىكپەن اينالىساتىن جەتەكشى كومپانيالار مەن «اتامەكەن» ۇكپ وكىلدەرى تالقىلادى.
«اتامەكەن» قكپ ءباسپاسوز ورتالىعىنىڭ دەرەكتەرىنە سۇيەنسەك, جيىنعا قر ۇلتتىق ەكونوميكا مينيسترلىگىنىڭ ۆيتسە-ءمينيسترى م.تاكيەۆ, قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل ر.ءجۇرسىنوۆ, «قازاقستان قارجىگەرلەرى قاۋىمداستىعى» زتب باسشىسى ە.باحمۋتوۆا, «اتامەكەن» ۇكپ باسقارما توراعاسىنىڭ ورىنباسارى ە.وستەمىروۆ, «QazProperty» قاۋىمداستىعىنىڭ باسشىسى ق.كوكەنوۆ, «BI Property» جشس باسشىسى ر.ەمبەرگەنوۆ, سونداي-اق ەكىنشى دەڭگەيلى بانكتەر جانە قارجى ينستيتۋتتارىنىڭ وكىلدەرى قاتىستى.
كاسىپكەرلەر اعىمداعى جىلدىڭ 31 جەلتوقسانىنا دەيىن سالىق, ەڭبەكاقى قورىنداعى جارنالاردى تولەۋدەن, كورپوراتۆيتى تابىس سالىعى, ققس, جەر سالىعى, سونداي-اق وسىماقى جانە ايىپپۇلداردان بوساتۋ قاجەتتىگىن العا تارتتى. سونىمەن قاتار سالىق پەن كوممۋنالدىق جەڭىلدىكتەر جانە بانك سەكتورىنىڭ قارجىلىق ىنتالاندىرۋى قىزۋ تالقىلاندى.
جالعا بەرۋشىلەر وزدەرىنىڭ وندىرىستىك شىعىندارىن كوتەرە المايتىندارىن العا تارتىپ, ۇلتتىق ەكونوميكا مينيسترلىگىنەن مونوپوليستەر كوممۋنالدىق تولەمدەر بويىنشا جەڭىلدىكتەر جاساۋى مۇمكىندىگىن قاراستىرۋدى سۇرادى. سوندا عانا كوپتەگەن جالعا بەرۋشى ساۋدا-ويىن-ساۋىق ورتالىقتارى مەن بيزنەس ورتالىقتاردا كاسىپكەرلەرگە جالعا الۋ قۇنىن تومەندەتە الار ەدى. بۇعان قر ۇلتتىق ەكونوميكا مينيسترلىگىنىڭ ۆيتسە-ءمينيسترى م.تاكيەۆ كوممۋنالدىق قىزمەتتەردى ۇسىنۋشى مونوپوليستەر دە نارىققا قاتىسۋشى ەكەنىن, ولار دا باسقا بيزنەس سەكىلدى شىعىن كورىپ جاتقانىن العا تارتتى. ۇلتتىق ەكونوميكا مينيسترلىگى جالعا الۋشىلاردان ەسەپتەردى العان سوڭ تالقىلاۋعا دايىن ەكەنىن ءبىلدىردى. ء«بىز مونوپوليستەردىڭ شىعىندارىن تۇسىنەمىز, بىراق كومۋمنالدىق تولەمدەردى الىپ تاستاۋ تۋرالى ماسەلە كوتەرىلىپ جاتقان جوق, ءبىز بانكتەرگە ۇقساس 3-4 ايعا شەگەرىم سۇراپ وتىرمىز. بۇعان قوسا,مونوپوليستەردىڭ تابىس قۇرىلىمىندا شوب شامامەن 5 پايىزدى قۇرايدى», - دەدى رۋستام ءجۇرسىنوۆ. ەسەپتەۋلەر بويىنشا كاسىپورىندار ايىنا شامامەن 20 ملرد تەڭگەنىڭ تابىسىن جوعالتقان. دەسەك تە, كارانتيننەن شىعىپ جالعا الۋشىعا بىردەن 100 پايىزدىق جالعا بەرۋ ستاۆكاسىن كوتەرە المايتىندىعىن ايتقان «QazProperty» قاۋىمداستىعىنىڭ توراعاسى ق.كوكەنوۆ بيزنەستىڭ اياققا تۇرىپ كەتۋى قاجەت, دەگەنمەن بۇل ماسەلەگە جەكەلەي قاراۋ قاجەت, دەپ اتاپ ءوتتى. جيىنعا قاتىسۋشىلار الداعى ۋاقىتتا جەكەلەگەن ماسەلەلەردىڭ قارالاتىندىعىن جەتكىزدى.
