ەستەرىڭىزگە سالا كەتەيىك, 31 ناۋرىزدا كوپتەگەن كاسىپكەرلەر توتەنشە جاعداي كەزىندە نەسيەلەر بويىنشا سىياقى تولەمەۋىن سۇراعان.
ەكىنشى دەڭگەيلى بانكتەر وزدەرىنىڭ ۆەب-سايتتارىندا ورنالاستىرىلعان كەيىنگە قالدىرىلعان نەسيەلەر شارتتارى تۋرالى اقپاراتتى تالداۋ نەگىزىندە, بارلىق بانكتەر بۇل قادامدى قابىلداعان جوق. كەيىنگە قالدىرۋ نەسيە كەشىرۋ دەگەندى بىلدىرمەيدى. ازاماتتىق كودەكسكە سايكەس كەز-كەلگەن نەسيە اقىلى, جەدەل جانە قايتارىمدى نەگىزدە بەرىلەتىنىن ءتۇسىنۋ كەرەك.
سوندىقتان, قارىز الۋشى كارانتين ۋاقىتى اياقتالعان سوڭ نەسيەسىن كەشىكتىرسە نەمەسە تولەمەسە سىياقى مولشەرلەمەسى وسەدى.
«وسىعان بايلانىستى نەسيە ۇيىمدارى جەكە تۇلعالارعا جانە شوب سۋبەكتىلەرىنە كەيىنگە قالدىرىلعان نەسيەلەر بويىنشا سىياقى الۋعا قۇقىلى», دەپ ءتۇسىندىردى قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ قارجى قىزمەتىن تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ديرەكتورى الەكساندر تەرەنتەۆ بۇگىن جۋرناليستەرمەن وتكەن ۆەبينار جيىندا.
دەپارتامەنت باسشىسىنىڭ ايتۋىنشا, اتالعان شارتتاردىڭ ۇيلەسىمى نەسيەلەر بويىنشا پايىزدىق مولشەرلەمەنىڭ ايتارلىقتاي ءوسۋىن بولدىرمايدى جانە قارىز الۋشىعا وتەۋدىڭ ىڭعايلى كەستەسىن تاڭداۋ قۇقىعىن بەرەدى.
بۇعان دەيىن ءبىز 1,3 ميلليون قازاقستاندىق ازاماتتىڭ بانكتىك قارىزدى كەيىنگە قالدىرعانىن جازعانبىز.
شاعىن جانە ورتا بيزنەستىڭ توعىز مىڭنان استام وكىلى نەسيە بويىنشا بارلىق تولەمدەردى ۋاقىتشا توقتاتا تۇرۋ قۇقىعىن الدى.
