ونلاين كەزدەسۋ بارىسىندا جاس اقىن ءومىرى مەن شىعارماشىلىعى جايىندا ايتا كەلە, ولەڭدەرىن وقىپ, كورەرمەندەردىڭ سۇراقتارىنا جاۋاپ بەردى. قولىنا گيتارا الىپ, ءان دە ايتىپ بەردى. سونداي اق, كىتاپ وقۋعا قاتىستى ءوز پىكىرىن دە ءبىلدىردى.
- مەن بالا كەزدەن كىتاپ وقۋدى ءسۇيىپ ءوستىم. مەملەكەت تۇلعالاردان تۇراتىن بولعاندىقتان كەيىن, كىتاپسىز ءومىر ءسۇرۋ مۇمكىن ەمەس. جۇمىر جەردىڭ بەتىندەگى جۇمىر باستى پەندە جۇمىر جۇرەگىمەن, جۇمىر باسىمەن رۋحاني دامۋى كەرەك. سول سەبەپتەن ۇزدىكسىز رۋحاني دامۋ ءۇشىن كىتاپ وقۋىمىز كەرەك. سان مىڭداعان عاسىرلار بويى وركەنيەتتى جىلجىتاتىن ادامزات بالاسى بولسا, ال ادامزات بالاسىن الدىعا جىلجىتاتىن ول كىتاپ. كىتاپ دەگەنىمىز نە؟ ول ءبىلىمدارلار مەن كورەگەندەردىڭ ومىردەن تۇيگەنىن جانىمەن سەزگەنىن, كوزى ابدەن جەتكەنىن, دۇنيەتانىمىن سىعىمداپ تۇرىپ جازعان ەڭبەگى. ءبىزدىڭ وسى ۋاقىتقا دەيىن دامىپ كەلە جاتقانىمىزدىڭ ءبارى توم-توم كىتاپتاردىڭ ارقاسى.
سونداي اق, جاس اقىن بولاشاقتا وقيتىن كىتاپتاردى قالاي تاڭداۋ قاجەتتىگىن جانە ونىڭ ويلاۋ جۇيەسىنە اسەر ەتەتىنىن, ەرتە كەزدەن كەلە جاتقان كىتاپ وقۋدى ادەتكە اينالدىرۋ كەرەكتىگىن دە تىلگە تيەك ەتتى.
