جوعارى سوتتىڭ ءباسپاسوز حاتشىسى ايدوس سادۋاقاسوۆتىڭ ايتۋىنشا, پروتسەستەردىڭ كوبەيۋى بايلانىس ارنالارىنا تۇسەتىن سالماقتى ارتتىردى. سونىڭ سالدارىنان قاشىقتان سوت وتىرىستارىن وتكىزۋ بارىسىندا TrueConf جانە «سوت كابينەتى» سەرۆيستەرىندە بايلانىستىڭ جوعالۋى, بەينەنىڭ ب ۇلىڭعىرلانۋى, داۋىس ىرعاعىنىڭ كىدىرۋى سياقتى ىركىلىستەردى بايقالدى. سوندىقتان ەندىگى جەردە سوتتارعا Whatsapp, Skype جانە تاعى باسقا مەسسەندجەرلەردى پايدالانۋعا مۇمكىندىك بەرۋ تۋرالى شەشىم قابىلداندى.
IT-ماماندار كۇندەلىكتى ماسەلەلەردى شەشۋگە تىرىسىپ جاتىر. وسى رەتتە قاشىقتان سوت وتىرىستارىن وتكىزۋدىڭ ساپاسى جاقسارۋى ءۇشىن ازاماتتاردىڭ دايىندىعى دا پىسىقتالعان ءجون. مىسالى, گادجەتتىڭ 4G تەحنولوگياسىن قولداۋى, wi-fi جىلدامدىعى كەمىندە 8 مب/س بولۋى, قاشىقتان سوت وتىرىسىنا قاتىسۋ كەزىندە ساپالى شاعىن گارنيتۋرانى (قۇلاققاپتار جانە ميكروفون) پايدالانۋ سياقتى جايتتار ەسكەرىلۋى كەرەك.
