شىنىندا, جىلى ۇيدە, جانۇيامىزدىڭ جانىندا وتىرعان ءبىز وسى جونىندە ويلانىپ كوردىك پە؟ قالىپتى كەزدە ساياباقتار مەن ۆوكزال ماڭىن تورۋىلداپ جان باعىپ جۇرگەندەر قايدا بارىپ باس ساۋعالادى؟ بۇل سۇراققا قالا اكىمى باقىتجان ساعىنتاەۆ جاۋاپ بەردى.
– تۇرعىلىقتى مەكەن-جايى جوق تۇلعالارعا قاتىستى ساۋالدار كوپ بولدى. ولار دالادا قالدى, ەشكىمگە كەرەگى جوق, ءتىپتى قالانىڭ سىرتىنا شىعارىپ جىبەردى دەگەن قاۋەسەت تە تاراعان بولاتىن. بۇل ماسەلە ءبىزدىڭ نازاردان تىس قالعان جوق. ءبىز ولاردىڭ قوزعالىسىن ۇدايى باقىلاپ وتىرمىز, – دەگەن اكىم اتالعان تۇلعالارعا ارناپ 300 ورىندىق شاتىر قالاشىق قۇرىلعانىن تىلگە تيەك ەتتى.
«ولارعا ارناپ كەرەۋەت, توسەك جاي, كيىم-كەشەك, ازىق-ت ۇلىك دايىندالدى. اينالاسىنا بلوكپوست قويدىق. جارىقتاندىرۋ ورناتتىق. وسى ادامداردىڭ كەيبىرىن قارتتار ۇيىنە ورنالاستىرۋدى ويلاستىرىپ جاتىرمىز. اراسىندا جۇمىس ىستەۋگە نيەت بىلدىرگەندەردى جۇمىسپەن قامتۋدىڭ جول كارتاسىنا سايكەس قىزمەتكە قابىلداپ جاتىرمىز. ولار نازاردان تىس قالعان جوق», - دەدى شاھار باسشىسى.
