ماسەلەن, «ازاماتتارعا ارنالعان ۇكىمەت» مەملەكەتتىك كورپوراتسياسى" كەاق الماتى قالاسى فيليالى تۇركسىب اۋداندىق فرونت-ءوفيسى باسشىسىنىڭ ورىنباسارى نازگۇل ءجۇنىسوۆا ءىسى وزگەلەرگە ونەگە بولسىن. نازگۇل بولاتبەكقىزى وسى سالادا جۇمىس ىستەپ جۇرگەنىنە 6 جىلدىڭ ءجۇزى بولىپتى. جۇمىستى فيليالدىڭ كادر بولىمىنەن باستاعان ول, كۇندەلىكتى جۇمىسى قايناپ جاتاتىن مامانداندىرىلعان حقو-دا ينسپەكتور, ودان ءارى ءبولىم باسشىسىنىڭ ورىنباسارى لاۋازىمىنا تاعايىندالعان.
وسى جىلدىڭ باسىندا اۋداندىق فرونت-وفيس باسشىلىعىن تاجىريبە الماسۋ ماقساتىندا ءبىر-بىرىمەن اۋىستىرۋ ۇدەرىسىمەن تۇركسىب اۋدانىنا بارعان.
نازگۇل بولاتبەكقىزى مۇندا دا ادەتتەگى بەلسەندىلىگىنە باسىپ, ۇجىمنىڭ قىزمەت كورسەتۋدەن باسقا دا قوسىمشا قوعامدىق جۇمىستارىن موينىنا الدى. قيمىلدى, ۇمتىلىستى, تىرشىلىكتى جاقسى كورەتىن ول, الماتىداعى جوو-لار مەن كوللەدجدەردە, مەكەمەلەر مەن ۇيىمداردا تسيفرلىق قىزمەت الۋدى ۇيرەتۋ جۇمىستارىنا كىرىستى. اپتاسىنا 3-4 مەكەمەنى مەجەلەپ, وقىتۋلار مەن اكتسيالار ۇيىمداستىرىپ جۇرگەندە, ەلىمىز كارانتينگە تاپ كەلدى.
ەندى, ول ءوزىنىڭ دوستارىمەن ەرىكتىلەر ۇيىمىن قۇرىپ, قالتالارىنان قاراجات شىعارىپ, از قامتىلعان جانە كوپ بالالى وتباسىلارعا كومەك كورسەتۋگە كىرىستى.
ازىرگە تىزىمىندە 15 وتباسى بار. ارقايسىسىنا وتباسى مۇشەلەرىنىڭ سانىنا قاراي ازىق-ت ۇلىك اپارىپ بەرۋدە.
«مۇنداي ءىس ارقايسىمىزدىڭ ازاماتتىق بورىشىمىز عوي. وسىنداي قيىن كەزدە ءبىر-بىرىمىزگە قول ۇشىن سوزىپ, قايىرىمدىلىق جاساپ, مۇقتاج جانداردىڭ از دا بولسا قاجەتىنە جاراساق, ءبىزدىڭ ميسسيامىزدىڭ ورىندالعانى», - دەيدى نازگۇل.
الماتى
