الايدا, كەيبىر كەزدەردە شۇعىل تۇردە قۇجاتتاردى راسىمدەۋ نەمەسە بەلگىلى ءبىر انىقتامالاردى الۋ قاجەتتىگى تۋىنداۋى مۇمكىن. ال, بارلىق حقو-لار جابىلىپ, ونلاين رەجيمگە كوشكەن. وسىعان وراي, حالىقتىڭ قولايلىلىعى ءۇشىن جانە ازاماتتارعا ءتۇرلى ساۋالدارىنا جاۋاپ بەرۋ ءۇشىن كەڭەس بەرەتىن 1414 call-ورتالىعى ۇيىمداستىرىلعان. تەلەفون ارقىلى دا, ۆيدەوقوڭىراۋ ارقىلى دا وپەراتورلار قالاي قىزمەت الۋ كەرەكتىگى تۋرالى نۇسقاۋلىق بەرىپ, ناقتى قىزمەت تۇرلەرىن الۋ بارىسىن ءتۇسىندىرىپ وتىرادى.
بەلگىلى وتاندىق ەسترادا جۇلدىزدارى مەن سپورتشىلار بارشا قازاقستاندىقتارعا ۇندەۋ تاستاپ, eGov ەلەكتروندىق ۇكىمەت پورتالىن پايدالانۋعا جانە وسى سايتتان ۇيدەن شىقپاي-اق قىزمەت الۋعا كەڭەس بەرۋدە. ويتكەنى بۇگىنگى تاڭدا كورسەتىلەتىن بارلىق مەملەكەتتىك قىزمەتتىڭ 80% ونلاين ساناۋلى ۋاقىتتىڭ ىشىندە الۋعا مۇمكىندىك بەرىلگەن. اۆتوكولىككە قاتىستى, ەلەكتروندىق ساندىق قولتاڭبا مەن ءتۇرلى الەۋمەتتىك تولەمدەر eGov پورتالى ارقىلى قولجەتىمدى.
سونىمەن قاتار, ەسىمدەرى ءدۇيىم جۇرتقا ءماشھۇر قازاقستاندىقتار قانداي قىزمەت ءتۇرىن العاندىعىن ايتىپ, ونلاين ءادىستىڭ تيىمدىلىگىن ايتۋدا.
ماسەلەن, قازاقستان رەسپۋبليكاسىنىڭ ەڭبەك ءسىڭىرگەن ءارتىسى ايجان نۇرماعامبەتوۆا: «بۇگىنگى قىسىلتاياڭ كەزدە, كارانتين كەزىندە, اۆتوكولىككە جانە باسقا دا قاجەتتىلىكتەرگە قاتىستى بارلىق وپەراتسيالاردى eGov سايتى ارقىلى جۇزەگە اسىرۋعا بولادى. مەنىڭ جۇرگىزۋشى كۋالىگىمنىڭ مەرزىمى اياقتالعان بولاتىن, ونى ءدال وسى eGov سايتى ارقىلى اۋىستىردىم. كارانتين كەزىندە دە وركەنيەتتىڭ يگىلىكتەرىنەن قۇر قالماڭىزدار», دەپ كەڭەس بەرەدى. ازاماتتىق كوزقاراسى ايقىن ءانشى, كارانتين كەزىندە ەرىكتىلەر شتابىندا, حالىققا كومەك كورسەتىپ ءجۇر ەكەن. 
ەلىمىزگە ايگىلى «دوسمۇقاسان» ءانسامبلىنىڭ ءانشىسى, قازاقستاننىڭ ەڭبەك سىڭىرگەن ءارتىسى اقجول مەيىربەكوۆ «كارانتين جاعدايىندا, وتباسىڭمەن بىرگە بولىپ, eGov سايتى ارقىلى قۇجاتتارىڭدى رەتتەۋگە بولادى» دەسە, ء انشى بۇركىت, «بۇگىنگى قىسىلتاياڭ كەزدە كولىگىڭىزدى تىركەۋگە نەمەسە سوعان قاتىستى بارلىق وپەراتسيالاردى eGov سايتى ارقىلى ۇيدەن شىقپاي-اق جۇزەگە اسىرۋعا مۇمكىندىگىڭىز بار. ءوزىڭىزدى, ءوزىڭىزدىڭ دەنساۋلىعىڭىزدى ساقتاڭىز, جاقىندارىڭىزدى ساقتاڭىز. بارشاڭىزعا ساتتىلىك تىلەيمىن!» دەيدى.
تانىمال اكتەر فارحات يبرايموۆ, اكتەر, تەلەجۇرگىزۋشى راحمان وماروۆ, ءانشى كەنتال كارانتين جاعدايىندا eGov پورتالى ارقىلى كوپ ماسەلەلەردى شەشۋگە بولاتىنىن جەتكىزسە, «ارناۋ» توبىنىڭ ءانشىسى سالتانات باقاەۆا, جاس ءانشى رايىم ۋايىس تا بىتپەي قالعان شارۋالارىڭىزدى, كارانتين كەزىندە ۇيدەن شىقپاي-اق eGov پورتالىن پايدالانۋمەن شەشۋگە بولاتىنىن ايتادى.
مۇنداي ويمەن ءانشى سەرىكبول سايلاۋبەك, ءداستۇرلى ونەر تەاترىنىڭ ءانشىسى جاسۇلان مۇساعالي, «OCTAGON PROMOTION» كاسىبي جەكپە-جەك ۇيىمىنىڭ پرەزيدەنتى نۇراددين سادىق, مما ارالاس جەكپە-جەك كاسىبي سپورتشىسى, «الاش پرايد» كاسىبي سپورت كلۋبىنىڭ مۇشەسى, بەلگىلى سپورت شەبەرى ەۆگەني ەگەمبەرديەۆ, اسا ليگاسىنىڭ مۇشەسى, ارالاس جەكپە-جەك شەبەرى نۇرسۇلتان قاسىمحانوۆ,بەلگىلى تەلەجۇرگىزۋشى اندرەي مالىشەۆ, بەلگىلى ستسەناريست, ۆاينەر اۋەز اۋەزوۆ (تۇرماعامبەتوۆ), تانىمال مودەل اينۇر نۇرسەيىتوۆا, اكتەر مالىك ءابدىرامانوۆ, ءانشى-اكتريسا, بلوگەر Miss Jamba, اكتەر نۇرسۇلتان جاقسىگەن جانە ت.ب. تانىمال ونەر جانە سپورت جۇلدىزدارى ءبولىسەدى.
ولار وزدەرىنىڭ بەينەجازبا ارقىلى جولداعان ۇندەۋلەرىندە, قازاقستاندىقتاردى eGov سايتىن قولدانۋعا شاقىرا وتىرىپ, ۇيدەن شىقپاي وتىرىپ ونلاين قىزمەت الۋ, ءبارىمىزدىڭ دەنساۋلىعىمىز بەن قاۋىپسىزدىگىمىز ءۇشىن كەرەك دەيدى.
«ەلىمىزدىڭ ونەر جانە سپورت جۇلدىزدارى كارانتين كەزىندە eGov پورتالىنىڭ ارتىقشىلىقتارىن ايتىپ, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ونلاين قىزمەت كورسەتۋ ۇدەرىسىن قولداپ, حالىقتى ۇيدە وتىرىپ قىزمەت الۋعا ۇندەپ بىزگە بەينەجازبالارىن جىبەرۋدە. ەلىمىزدەگى قازىرگى جاعدايعا بەي-جاي قاراماي, ءوز ويلارى مەن قولداۋلارىن جەتكىزىپ جاتقان جاناشىر جۇلدىزدارعا العىسىمىز شەكسىز», - دەيدى ازاماتتارعا ارنالعان ۇكىمەت مەملەكەتتىك كورپوراتسياسى الماتى فيليالىنىڭ PR-مەنەدجەرى جاڭىل اپەتوۆا.
