بارلىق اسكەري بولىمدەر قوسىمشا ءدارى-دارمەكپەن, ال اسكەري قىزمەتشىلەر-مەديتسينالىق ماسكالار مەن زالالسىزداندىرۋ قۇرالدارىمەن قامتاماسىز ەتىلگەن. جەكە قۇرامدى تەكسەرۋ ءۇشىن باقىلاۋ-وتكىزۋ پۋنكتەرى مەديتسينالىق سۇزگىلەر ورناتىلعان.
ء«بولىمنىڭ باقىلاۋ-وتكىزۋ پۋنكتىندە ءاردايىم كەزەكشى دارىگەرلەر بار. ءبىز بارلىق اسكەري قىزمەتشىنى تەكسەرۋدەن وتكىزەمىز, دەنە قىزۋىن ولشەپ, ساۋالناما جۇرگىزەمىز», دەدى دارىگەر-تەراپەۆت, كاپيتان ايگۇل راقىمجانوۆا.
جەكە قۇراممەن الدىن-الۋ شارالارى, سىرقاتتىڭ بەلگىلەرى ەسكەرتىلىپ, جۇقتىرۋ بولعان جاعدايدا ارەكەت ەتۋ الگوريتمىنىڭ ءتۇسىندىرۋ جۇمىستارى جۇرگىزىلدى.
كارانتين اياسىندا قىزمەت جاساپ جاتقان اسكەري قىزمەتشىلەردىڭ سىرقاتتانۋىن الدىن-الۋ ماسەلەسى ەرەكشە نازاردا. بلوك-بەكەتتەر, پاترۋلدەۋ توپتارى جانە دەزينفەكتسيالاۋ وتريادتارىنا مەديتسينالىق تەكسەرۋ مەن شاعىمدار جونىندە ساۋالناما جۇرگىزەتىن مەديتسينالىق قىزمەتكەرلەردىڭ توپتارى ءبولىندى.
بيولوگيالىق قورعانىس بولىمشەلەرى كۇن سايىن ۆيرۋستىق قاۋپى بار نىسانداردا جۇمىس اتقارعاندىقتان, كەزەكتى دەزينفەكتسيالاۋ جۇمىستارى اياقتالعاننان كەيىن اسكەري قىزمەتشىلەر, ولاردىڭ جابدىقتارى, قۇرالدارى مەن تەحنيكا تولىقتاي زالالسىزداندىرىلادى. كەزەكشى دارىگەردىڭ ءاربىر جاۋىنگەردىڭ دەنساۋلىق جاعدايىن تەكسەرۋىنەن كەيىن, مونشادا جۋىنۋ دا ۇيىمداستىرىلعان. بارلىق پروتسەدۋرالاردى وتكەننەن كەيىن اسكەري قىزمەتشىلەر اۋىستىرۋ كيىم-كەشەكتەرىن, ستەريلدى قورعانۋ كومبينەزوندارىن الادى.
بارلىق اسكەري نىسانداردىڭ سانيتارلىق-گيگيەنالىق جاعدايى قاتاڭ باقىلاۋعا الىنعان. ءبولىم اۋماقتارى, قىزمەتتىك جانە كازارمالىق ءۇي-جايلاردا دەزينفەكتسيالاۋ جۇمىسى جۇرگىزىلەدى. 85395 اسكەري ءبولىمى رادياتسيالىق, حيميالىق جانە بيولوگيالىق قورعاۋ قىزمەتىنىڭ باستىعى مايور جەڭىسبەك بايتەلەۋوۆ ءاربىر ادامنىڭ دەنساۋلىعىن ساقتاۋ جانە ارميالىق ورتادا ۆيرۋستى جۇقتىرۋدى بولدىرماۋ ءۇشىن اسكەري بولىمدەردىڭ ءىشىن دە دەزينفەكتسيالاۋدىڭ قانشالىقتى ماڭىزدى ەكەندىگىن اتاپ ءوتتى.
جەكە قۇرام ورنالاسقان شاتىرلار بلوك-بەكەتتەر كۇنىنە ەكى رەت وڭدەلەدى. اسكەري ۇشاقتار دا سانيتارلىق وڭدەۋدەن وتەدى. توتەنشە جاعداي كەزىندە اسكەري ۇشقىشتار ءبىر وڭىردەن باسقا وڭىرگە ادامدار مەن جۇكتەردى تاسىمالداۋدى, شەتەلدەن قازاقستاندىقتاردى ەۆاكۋاتسيالاۋدى قامتاماسىز ەتۋمەن اينالىسادى. دەزينفەكتسيالاۋ ءار ۇشۋدان كەيىن جۇرگىزىلەدى.
جاۋىنگەرلىك ازىرلىككە نۇقسان كەلتىرمەيتىندەي ۆيرۋستى جۇقتىرۋ قاۋپىن ازايتۋ ءۇشىن بولىمشەلەر جاۋىنگەرلىك ازىرلىكتى جابىق رەجيمدە ءوتىپ جاتىر. كەيبىر قۇرىلىمدىق بولىمشەلەردىڭ جەكە قۇرامى قىزمەتتى اۋىسىممەن اتقارسا, 30%-كە جۋىعى ءۇي جاعدايىندا وقشاۋلانۋدا. شەتەلدىك ءىسساپارلاردان, وقۋدان نەمەسە دەمالىستان كەلگەندەر كارانتينگە جابىلىپ, اسكەري دارىگەرلەردىڭ باقىلاۋىنا الىندى.
كوروناۆيرۋستان قورعاۋ شارالاردى ورىنداۋدى ىسكە اسىرۋدا قر قك باس اسكەري-مەديتسينالىق باسقارماسى سانيتارلىق-ەپيدەميولوگيالىق باسقارماسىنىڭ قىزمەتكەرلەرىنە جۇكتەلگەن. ولار اسكەردەگى سانيتارلىق شارالاردى باقىلاۋدا ۇستاپ, توتەنشە جاعداي جونىندەگى كوميتەتپەن, اكىمدىكتەرمەن, ازاماتتىق سانيتارلىق-اپيدەميولوگيالىق ۇيىمداردىڭ قىزمەتكەرلەرىمەن بىرلەسە جۇمىس اتقارادى, دەزينفەكتسيالاۋ وتريادتارىنىڭ قۇرامىندا بولىپ, زاقىمدالعان دەگەن قاۋپى بار نىسانداردى وڭدەۋ جۇمىستارىنا قاتىسادى.
باس اسكەري-مەديتسينالىق باسقارماسىنىڭ وفيتسەرلەرى قورعانىس مينيسترلىگى جەدەل شتابى جۇمىس توبىنىڭ, دەنساۋلىق ساقتاۋ مينيسترلىگىنىڭ سيتۋاتسيالىق ورتالىعىنىڭ قۇرامىنا كىرەدى, ەلىمىزدەگى ەپيدەميولوگيالىق جاعدايدىڭ جەدەل دياگنوستيكاسىن جۇرگىزىپ, اسكەري مەديتسينا مەن دەنساۋلىق ساقتاۋداعى ازاماتتىق مەكەمەلەرمەن ءوزارا بايلانىس ورناتۋمەن اينالىسادى.
اسكەردەن بولەك اسكەري-مەديتسينالىق قىزمەت حالىققا قىزمەت كورسەتەدى. ول ءۇشىن ەلوردا مەن الماتى قالاسى ماڭىندا كوروناۆيرۋس ىندەتىن جۇقتىرعان جانە كارانتيندەگىلەردى قابىلداۋ ءۇشىن ءموبيلدى گوسپيتالدەر مەن شاتىرلى لاگەردەر قۇرىلعان. قوسىمشا باسقا دا اسكەري گوسپيتالدەر مەن لازارەتتەردىڭ رەسۋرستارى دا دايىندالعان. اسكەري دارىگەرلەردىڭ ءبىر توبى كومەك كورسەتۋ ءۇشىن قاراعاندىعا جىبەرىلدى.
