Covid-19 دياگنوزى جاڭادان قويىلعان الماتىلىقتاردىڭ ۇشەۋى 2000 جىلى تۋعان, ەكەۋى 2001 جىلعى. ولاردىڭ بارلىعى بۇرىن جۇقتىرعاندارمەن قارىم-قاتىناستا بولعاندار, كارانتيندىك ستاتسيوناردا وقشاۋلاۋدا جاتقان.
دەگەنمەن, بۇگىن 6 پاتسيەنت جازىلىپ شىقتى, ولاردىڭ ىشىندە 4 ايەل مەن 2 ەر ادام بار.
ۇشىپ كەلگەندەردىڭ ىشىنەن ەمدەلىپ شىققاندار ءتورت ادام, بىرەۋى جەرگىلىكتى ۆيرۋسى بۇرىن انىقتالعان ادامدارمەن بايلانىستا بولعان جانە بالالار جۇقپالى اۋرۋلار اۋرۋحاناسىنىڭ ءبىر مەديتسينا قىزمەتكەرى.
الماتىدا Covid-19-دان 67 ادام ساۋىعىپ شىققان.
قازىرگى ۋاقىتتا جۇقپالى اۋرۋلار ستاتسيونارلارىندا Cوvid-19-دان الماتى وبلىسىنان ءبىر ايەلدى ەسەپتەگەندە, 329 پاتسيەنت ەمدەلىپ جاتىر.
ەمدەلىپ جاتقانداردىڭ دەنساۋلىعىنا كەلسەك, 1 پاتسيەنتتىڭ جاعدايى وتە اۋىر, 5-ۋىندە – اۋىر, 50 ادامدا – اۋىرلىقتىڭ ورتاشا دارەجەسىندە, 273 ادامنىڭ جاي-كۇيى – قاناعاتتانارلىق.
جالپى, وسى كۇنگە دەيىن الماتىدا كوروناۆيرۋستىق ينفەكتسيانى جۇقتىرعان 398 وقيعا تىركەلدى.
پروۆيزورلىق گوسپيتالداردا 368 ازامات بار, ونىڭ ىشىندە 7-ءى بالا, كارانتيندىك وقشاۋلاۋدا – 426, ءۇي كارانتينىندە – 7288 ادام بار.
