توتەنشە جاعداي جاريالانعان ساتتەن باستاپ تانىمال بلوگەرلەر مەن تۇلعالاردىڭ قاتىسۋىمەن 123 بەينە ۇندەۋ ۇيىمداستىرىلعان. سونىمەن قاتار شامامەن 78 000 ادامدى قامتىعان 200-گە جۋىق ەفيرگە شىعۋ جۇزەگە اسىرىلعان.
سونىمەن قوسا ونلاين-رەجىمدە ايتىس ۇيىمداستىرىلدى. ءىس-شاراعا رەسپۋبليكا وڭىرلەرىنەن 16 اقىن قاتىستى.
جالپى كارانتين كەزىندە ونلاين-رەجىمدە تاراتۋدىڭ شەكسىز قولجەتىمدىلىگى ارقىلى قوعامنىڭ بارلىق سالاسى قامتىلاتىن بولادى.
«سانالى ۇرپاق» جوباسى «تالاپ» قولدانبالى زەرتتەۋلەر ورتالىعىمەن بىرلەسىپ ەلىمىزدىڭ جوعارى وقۋ ورىندارىندا سىبايلاس جەمقورلىقتى قابىلداۋ دەڭگەيىن انىقتاۋ ءۇشىن 10 000-نان استام ستۋدەنتكە ونلاين ساۋالناما جۇرگىزدى. سونىمەن قاتار اتالعان جوبا اياسىندا 10 ساۋىردە وقۋشىلار مەن ستۋدەنتتەر اراسىندا سىبايلاس جەمقورلىققا قارسى تاقىرىپتا ەسسە جانە ولەڭدەر جازۋ, سۋرەت سالۋ, بەينەروليكتەر بويىنشا ونلاين-بايقاۋ باستالدى.
ەلدە توتەنشە جاعداي ەنگىزۋ حالىقتىڭ جانە مەملەكەتتىك ورگاندار وكىلدەرىنىڭ الەۋمەتتىك وقشاۋلاۋىنا اكەپ سوقتى, ازاماتتار ءوز ماسەلەلەرىن شەشۋ كەزىندە قوسىمشا بايلانىس كەدەرگىلەرىنە تاپ بولدى.
قالىپتاسقان جاعدايدا ەرىكتى-زاڭگەرلەر ونلاين رەجىمدە تەگىن زاڭدىق كەڭەستەر بەرەتىن «Adal kómek» جوباسى ەڭ قولايلى شەشىم بولىپ تابىلادى. جوبا ارقىلى كەز-كەلگەن ازامات ناقتى ۋاقىت رەجىمىندە, ورنالاسقان جەرىنە قاراماستان, الەۋمەتتىك وقشاۋلاۋدى ساقتاي وتىرىپ, جوعارى بىلىكتى قۇقىقتىق كومەك الا الادى. جوبا كەڭ اۋقىمدا جۇمىس ىستەۋى ءۇشىن اگەنتتىك ادۆوكاتتاردى, ەلدىڭ جەتەكشى زاڭگەرلەرى مەن قۇقىقتانۋشىلارىن تارتۋدا.
توتەنشە جاعداي جاريالانعان ساتتەن باستاپ 246 000-نان استام ادامدى قامتيتىن 79 ەفيرگە شىعۋ جۇزەگە اسىرىلدى. جوبا ىسكە قوسىلعان ساتتەن باستاپ 10 000-نان استام ازامات قۇقىقتىق كەڭەس الدى.
وڭ تاجىريبەنى تاراتۋ ماقساتىندا وسى جوبانى ىسكە اسىرۋعا ورتالىق مەملەكەتتىك جانە جەرگىلىكتى اتقارۋشى ورگانداردىڭ, «ازاماتتارعا ارنالعان ۇكىمەت» كەاق جانە «اتامەكەن» ۇلتتىق كاسىپكەرلەر پالاتىسىنىڭ وكىلدەرىن تارتۋ كوزدەلۋدە.
