توتەنشە جاعداي جاريالانعان ساتتەن باستاپ كوشباسشى جاستاردىڭ, تانىمال بلوگەرلەر مەن تۇلعالاردىڭ قاتىسۋىمەن 123 بەينە-ۇندەۋ جاريالاندى. سونىمەن قاتار شامامەن 78 مىڭ ادامدى قامتىعان 200-گە جۋىق تىكەلەي ەفير ۇيىمداستىرىلدى.
سىبايلاس جەمقورلىققا تەرىس ىقپالىن كەڭىنەن تۇسىندىرگەن ءىس-شارالاردىڭ قاتارىندا رەسپۋبليكالىق ايتىستى اتاپ وتۋگە بولادى. بۇعان ەلىمىزدىڭ وڭىرلەرىنەن 16 اقىن قاتىستى.
سونداي-اق «سانالى ۇرپاق» جوباسى «تالاپ» قولدانبالى زەرتتەۋلەر ورتالىعىمەن بىرلەسىپ ەلىمىزدىڭ جوعارى وقۋ ورىندارىندا سىبايلاس جەمقورلىق دەڭگەيىن انىقتاۋ ءۇشىن 10 مىڭنان اسا ستۋدەنتكە ونلاين ساۋالناما جۇرگىزدى.
اتالعان جوبا اياسىندا 10 ساۋىردە وقۋشىلار مەن ستۋدەنتتەر اراسىندا سىبايلاس جەمقورلىققا قارسى تاقىرىپتا ەسسە جانە ولەڭدەر جازۋ, سۋرەت سالۋ, بەينەروليكتەر بويىنشا ونلاين-بايقاۋ باستالدى.
