بۇل تۋرالى Facebook-تە حابارلاعان «قازپوشتا» اق باسقارما توراعاسى ساكەن سارسەنوۆ زەينەتكەرلىككە شىققان كليەنتتەرىمىزدىڭ اراسىندا زەينەتاقىلارىن بولىمشەدەن كارانتيننان كەيىن العىسى كەلەتىندەر بار ەكەنىن جازدى.
– قازپوشتا رەسپۋبليكا بويىنشا شامامەن 1 ملن زەينەتكەرگە قىزمەت كورسەتەدى. بۇل ءبىزدىڭ حالىقتىڭ ەڭ وسال بولىگى, ءتىپتى كەيبىرەۋلەرى ءوز بالالارى مەن تۋىستارىنىڭ قولداۋىنا ءزارۋ. قازىر ءبىزدىڭ بىرنەشە فيليالىمىز ەرىكتىلەردىڭ قاتارىنا قوسىلىپ, ولارعا ازىق-ت ۇلىك پەن قاجەتتى تاۋارلاردى جەتكىزۋگە كومەكتەسىپ ءجۇر. سونىمەن قاتار ءبىز ءار زەينەتكەرگە تەلەفون سوعىپ, اقشانى ۇيگە الىپ كەلۋ نەمەسە كارتاعا اۋدارۋ ءۇشىن ولاردىڭ ءتىزىمىن قۇراستىرۋدى باستادىق. ءار ايماقتا مىڭداعان وتىنىشتەردى قابىلدايتىن جانە وڭدەيتىن, تولەم كارتالارىن راسىمدەيتىن جانە تسيفرلىق ساۋاتتىلىق نەگىزدەرىن ۇيرەتەتىن قىزمەتكەرلەردى بەلگىلەپ, قاجەتتى جۇمىستىڭ ءبارىن جاساپ شىقتىق. بۇگىن ءساۋىر ايىنىڭ زەينەتاقىسى تولىعىمەن ۇلەستىرىلدى, – دەدى س.سارسەنوۆ.
قازپوشتا بۇرىننان بەرى 80 جاستان اسقان قاريالارعا جانە شالعايداعى اۋىلداردا تۇراتىن زەينەتكەرلەرگە اقشالارىن ۇيىنە دەيىن جەتكىزىپ كەلە جاتىر.
