بۇگىندە وڭىردە تاۋلىك بويى 101 بەكەت جۇمىس ىستەيدى. بۇلار – كوكشەتاۋ مەن وبلىس اۋداندارىنداعى كىرۋ جانە شىعۋ جولدارىندا ورناتىلعان 82 بلوك-بەكەت جانە 19 سانيتارلىق بەكەت. سانيتارلىق بەكەتتىڭ 8-ءى وبلىس پەريمەترى بويىنشا جانە قالعانى نۇر-سۇلتان قالاسىنىڭ اينالاسىنا قويىلدى.
پوليتسيا قىزمەتكەرلەرى مەن سانيتارلىق-ەپيدەميولوگيالىق قىزمەت وكىلدەرى بلوك-بەكەتتەردەگى قىزمەتتى تاۋلىك بويى اتقارادى. كۇن سايىن تاڭەرتەڭ جانە كەشكە ۆەدومستۆو قۇرىلىمدارىنىڭ باسشىلارى اۋىسىمعا تۇسەتىن جول پوليتسياسى باتالونىنىڭ جەكە قۇرامىنا نۇسقاما وتكىزەدى. جەكە قورعانۋ قۇرالدارىنىڭ, مەديتسينالىق ماسكالاردىڭ, دەزينفەكتسيالاۋ قۇرالدارىنىڭ, سونداي-اق ەلەكتروندىق پلانشەتتەردىڭ بولۋىن تەكسەرەدى.
پوليتسيا قىزمەتكەرلەرىنىڭ باستى مىندەتى – كولىك جۇرگىزۋشىلەرىنە جازالاۋ شارالارىن قولدانۋ ەمەس, ەڭ الدىمەن ەنگىزىلگەن شەكتەۋلەردى ءتۇسىندىرۋ, سونداي-اق وڭىرلەردىڭ تىنىس-تىرشىلىگىن قامتاماسىز ەتەتىن اۆتوكولىكتەردىڭ كەدەرگىسىز ءجۇرۋىن قامتاماسىز ەتۋ.
