سالا ماماندارى ەل ۇكىمەتى مەن ۇلتتىق بانكتى ەلەكتروندى ينتەرچەيندج كەزىندە شەكتەۋلى بانكارالىق كوميسسيانى بەلگىلەپ, ونىڭ 0,7%, ال ينتەرنەت-ەكۆايرينگتىڭ شەكتىك مولشەرىن 1% اسىرماۋدى سۇرايدى.
داعدارىس كەزىندە ەكونوميكانىڭ قىزمەت كورسەتۋ سالاسىن قولداۋداعى ماڭىزدى قادامداردىڭ ءبىرى ەلەكتروندى تولەم بارىسىندا بانكارالىق كوميسسيالاردى شەكتەۋ. ۇلتتىق بانكتىڭ تومەندەتۋ مولشەرلەمەسى ءدارىحانالاردان وزگە قاجەتتىلىكتەرگە جۇرمەيدى. ازىق-ت ۇلىكتى ونلاين ساتىپ الۋ, تاعامدى ۇيگە جەتكىزۋ, ۇيگە ارنالعان تاۋارلار, ەلەكترونيكا, ت.ب. ماسەلەلەر وزەكتى بولىپ وتىر.
قازىرگى كەزدە ينتەرچەيندج 1,6-1,7% قۇرايتىندىقتان, ەلەكتروندى ساۋدا وكىلى ءۇشىن ءار ساۋدادان تولەم جۇيەسىندەگى كوميسسيامەن 2,4-3% تولەۋگە تۋرا كەلەدى. بۇل كورسەتكىش تۇتىنۋشىنىڭ قالتاسىنا دا اسەر ەتەدى. ياعني, تاۋار باعاسى قىمباتتايدى ءارى ەلەكروندى كوممەرتسيامەن اينالىساتىن كومپانيانىڭ تاپقان تابىسىنا ىقپال ەتەدى. بۇل ءبىر جاعىنان كولەڭكەلى ەكونوميكانىڭ دامۋىنا سوقتىراتىن بولسا, ەكىنشىدەن ساپالى جۇمىس ورىندارىن قۇرۋعا كەرى ىقپالىن تيگىزەدى, دەيدى ەلەكتروندى نارىق قاتىسۋشىلارى. دامىعان ەلدەردە ينتەرچەيندج مولشەرلەمەسى رەگۋلياتورمەن بەكىتىلىپ, مەملەكەت تاراپىنان قاتاڭ باقىلاۋعا الىنعان. مىسالى, ەۋرو وداق ەلدەرىندە دەبەتتىك مولشەرلەمە 0,2% بولسا, نەسيەلىك مولشەرلەمە 0,3%.
